Malango 5:27 - Amazwi Yakwe Leza 2013

²⁷ Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’

Malango 5:27 ပူးပေါင်းရင်းမြစ်များ

Kufuma 18:20

Ulinzile kusambilizya antu malamulo na masunde yakwe Leza, nu kuyalondolwela vino yalinzile ukwikala na vino yalinzile ukucita.

Kufuma 19:8

Lyene antu yonsi yaasuka capamwi yati, “Endi, tumacitanga vyonsi vino Yawe watavwanga.”

Kufuma 20:18

Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Kufuma 20:19

Yanena Mose yati, “Wewe ndi wavwanga kunotuli, tumakuvwa. Lelo tuli ni ntete ukuti ndi Leza wavwanga kunotuli, tungafwa.”

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Yelemiya 42:5

Lyene iyanena Yelemiya iyati, “Yawe angala aye akambone uwacumi, uwakutusinila, ndi cakuti twakana ukucita ukulingana nizwi lyonsi lino Yawe Leza wako amatutumila ukupitila umu kanwa kako.

Yelemiya 42:6

Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Malango 5:26

Uzye kwatala kwaya umuntu umwi uwatala uvwa izwi lyakwe Leza wa umi akuvwanga ukufuma mu moto, nga pacisila atwalilila ukuya umupuma?

Malango 5:28

“Yawe nawe uvwile amazwi yonsi yano mwavwanzile kunondi. Ali pa kunena ati, ‘Natinuvwa amazwi yonsi yano antu yaa yakunenyile. Vyonsi vino yatiyalanda vili sile ningo.

Ayebulai 12:19

kulila kwa ntandala nu kuvwika kwi zwi. Pacisila cakuuvwa izwi, antu yapapata kuti yatuvwa izwi nalyuze,

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”