Malango 5:14 - Amazwi Yakwe Leza 2013

¹⁴ Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti a masaye wako, nanti a punda wako, nanti iciteekwa cako icili consi, nanti umwenyi wino akaikala mu mikalo yako, pakuti umuomvi wako umonsi nu mwanaci kwene apuze, ndi vino wemo ukapuza.

Malango 5:14 ပူးပေါင်းရင်းမြစ်များ

Utandiko 2:2

Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Neemiya 13:15

Pa nsita kwene ilya nga ndola antu mu mpanga yakwe Yuda yakuponda nu kufena amatingi pa Sabata. Nga na yamwi ala yakukolonganika nu kutulika ingano mu mitumba ala yakuomvya yapunda. Yamwi nayo ala yakusenda waini, matingi, misamvu, alino ni viya vya misango misango, ala yakuleta ku Yelusalemu pa wanda wi Sabata kwene. Alino njakalipila kuti yataezya kukazya vyakulya pa Sabata.

Neemiya 13:16

Na antu yamwi aku Tuli aikalanga mu Yelusalemu yaleta inswi zya misango na misango zyakukazya pa wanda wi Sabata. Yakazyanga ku ikazi amu mpanga yakwe Yuda na amu Yelusalemu.

Neemiya 13:21

Lelo nayakalipile nu kuyuzya inti, “Uzye pacani cino mukulalila apipi ni linga? Ndi mulacita cii nupya, ndamufulula.” Kutandikila papo kwene mpaka nu mu manda ankolelo aculuzi yalya yatatazile yaweluluke pa Sabata.

Neemiya 5:5

Nanti angala sweswe yali yamwi na Ayuda yanji. Uzye ana itu yatakoline na ana yao? Lelo tulinzile twakazya ana itu wa azya. Twatitukazya mpiti ana itu yamwi anaci wa azya, pamulandu wakuti antu yauze yatupoka vyalo vitu kumwi ni vya matingi kwene.”

Kufuma 23:12

“Waomba imilimo yako mu manda mutanda, lelo pa wanda uwalenga cinimbali utaomba imilimo, kuti yamasaye yako yapuze pamwi na ya punda kwene. Nupya kuti azya yako nga na inamasi yapuze.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Mako 2:27

Lyene Yesu amalila na mazwi yakuti, “Sabata lyacitilwe ukwazwa umuntu. Muntu ataumvilwe ku kutekwa uzya ni vikumile Sabata.

Luka 23:56

Alino yaswilila kumwao, yateyanya vya mununko usuma nga na mafuta acinunu cisuma. Lelo pa Sabata yapuza, kulingana ni sunde.

Malango 5:13

Mu manda mutanda waomba imilimo yako yonsi.

Ayebulai 4:4

Pano mu malembelo cavwangwa pamwi pamulandu wa wanda uwalenga cinimbali cati, “Leza wapuzile ku milimo yakwe yonsi pa wanda uwalenga cinimbali.”