Malango 4:48 - Amazwi Yakwe Leza 2013

⁴⁸ Impanga kwene ii yatandikile pa musumba wa Aloeli, uno waya pa cituntu ca Luzi lwa Alinoni, ukufika nu ku Mwamba wa Siyoni (kuli kuti Mwamba wa Helimoni),

Malango 4:48 ပူးပေါင်းရင်းမြစ်များ

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Malango 2:36

Yawe Leza witu uwalesile kuti tungapokolola imisumba yonsi, ukutandikila ku Aloeli, mu mbali mbali ya Cifoloma ca Alinoni, ukufika nu ku musumba uwaya pakasi ka cifoloma cici, nzila yonsi ukufika nu ku Gileadi. Kusi umusumba uwakweti ilinga lino lingatuposya kukwela.

Malango 3:12

“Lino twaposile impanga pa nsita ilya, natoozile impanga nu kuipeela ku amu mutundu wakwe Lubeni nu ku amu mutundu wakwe Gadi, ukutandikila lwaku katutu ka musumba wa Aloeli pipi nu Luzi lwa Alinoni. Injaputwila ni cipande cimwi ica mpanga ya myamba yaku Gileadi, kumwi ni misumba iyaya kweneko.

Malango 3:8

“Acino pa nsita ilya twaposile impanga yakwe yamwene yaya yaili ya ina Amoli, ku lusansa lwaku ufumondaka wa Luzi lwa Yodani, ukutandikila sile ku Luzi lwa Alinoni mpaka ukufika nu ku Mwamba wa Helimoni.

Malango 3:9

(Aina Sidoni yakaama Mwamba wa Helimoni yati Silioni. Aina Amoli nayo yakaawama yati Senili.)

Malango 4:49

ukuminkanya ni mpanga yonsi iyaya lwaku ufumondaka wa Luzi lwa Yodani, ukufika na lwaku kaeya kuli Yemba wa Musilya nga nu ku uwondaka mu mutentemuko wa Mwamba wa Pisiga.