Malango 4:45 - Amazwi Yakwe Leza 2013

⁴⁵ Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:45 ပူးပေါင်းရင်းမြစ်များ

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:14

Nkasansamuka umu kulondela inzila zyako, ukuluta napa vyuma vyonsi.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 119:22

Funtusya panondi umuzewanya nu kusuulwa, pano nemo nkasunga amasunde yako.

Masamu 119:24

Vyeo vyako vikansansamusya, vili vino vikampanzya amano.

Masamu 119:5

Si cange cizipe ukuti inzila zyane zilungamane umu kulondela ivyeo vyako.

Masamu 119:7

Lyene ningakuwanzya nu ku mwenzo mpee, apa kusambilila ivyeo vyako ivya ulungami.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 4:44

Mose wapeezile aina Izlaeli amasunde na masambilizyo yakwe Leza.

Malango 4:46

lino yali mu cifoloma lwaku uwondaka wa Luzi lwa Yodani, pipi nu musumba wa Beti Peoli. Mwali mu mpanga yakwe Siooni umwene wa ina Amoli, wino uwateekanga mu musumba wa Hesyiboni. Mose pamwi na Ina Izlaeli yamucimvizye lino yafumile mu mpanga ya Eguputo.

Malango 6:17

Sininkizini ukuti mwayela amasunde yonsi yano wene wamupeela.

Malango 6:20

“Mu manda akwiza inkolelo ana inu yalamuzya yati, ‘Uzye pacani cino Yawe Leza witu wapeezile ilamulo kunotuli kuti twayela amasunde yaa yonsi?’