Malango 4:36 - Amazwi Yakwe Leza 2013

³⁶ Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

Malango 4:36 ပူးပေါင်းရင်းမြစ်များ

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Kufuma 19:19

Ciunda ca ntandala cila cikukulilako. Mose avwanga, nga Leza amwaasuka mu kupangalansya.

Kufuma 19:9

Lyene Yawe anena Mose ati, “Namaiza kunuli mwi kumbi linyome pakuti antu iize yayuvwile kuno nkulanda nawe, na pakuti lyene yakutaila amanda pe.” Lyene Mose anena Yawe vino antu yaasuka.

Kufuma 24:16

Uluswepo lwakwe Yawe iluloleka pa Mwamba wa Sinai, nga ni kumbi livimba mwamba pa manda mutanda. Pa wanda uwalenga cinimbali, Yawe aama Mose kwi zwi ukufuma mwi kumbi.

Malango 4:12

Muce mwayanena na vino Yawe wavwanganga kunomuli ukufuma mu moto, na vino mwamuvwile akuvwanga lelo mutamuweni mu musango uli onsi.

Malango 4:15

“Lino Yawe walandanga kunomuli ukufuma mu moto pa Mwamba wa Holebu, mwemo mutaweni icata ca musango uli onsi.

Malango 4:33

Uzye kwatala kwaya antu yamwi acili apuma yano yatala yuvwa kuno Yawe wavwangila mu moto, wakwe vino mwemo muvwile?

Malango 8:5

Mwaiusya ukuti Yawe Leza winu akasunda nu kuvunuka mwemwe wakwe vino akwasi yakasunda ana yao.

Ayebulai 12:18

Ku mwamba wa Sinai, uno uwakanga moto nupya uno mungakumya, akuno aina Izlaeli izile. Lelo mwemo mutiza kweneko, ukuli mfinzi, kufitulukila ni cipupu,

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?