Malango 4:29 - Amazwi Yakwe Leza 2013

²⁹ Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 4:29 ပူးပေါင်းရင်းမြစ်များ

2 Yamwene 10:31

Lelo Yeu atatekile mu kuyela amalamulo yakwe Yawe, Leza wa ina lzlaeli nu mwenzo wakwe onsi. Wene watwalilile kucita iviipe vino Yeloboamu umwana wakwe Nebati walenzile kuti aina lzlaeli yacita.

2 Yamwene 23:3

Lilyo ale Yosiya aimilile mu lucesi luno yasimapepo yimililanga mwenemo. Ali pakucita upangano uwa kutontela Yawe, nu kuyela amasunde ni vyeo vyakwe, nu mwenzo wakwe onsi, na mano yakwe yonsi, na maka yakwe yonsi. Alino nu kwika vyonsi umu vicitwa ndi vino calembwa mu lupapulo kwene lulwa. Antu yonsi nayo ali pakuzumilizya ukulondela upangano uwa.

2 Milandu 15:12

Ali pakupanga nu pangano uwakuti yamapepanga Yawe Leza wa vikolwe vyao ni myenzo yao nga nu mupasi wao onsi.

2 Milandu 15:15

Ayuda pasi pakuzanga apakulola ukuti yalapa umulapo uo ni myenzo yao yonsi. Iyazanga sana apa kupepa Yawe, nawe nu kuyuvwa wayuvwanga nu kuyasunga ningo lyonsi.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 15:4

Lino yaponilwe na malanda, alino yaswilila kuli Yawe, Leza wa ina Izlaeli. Iyamulondesya suka iyamuzana.

2 Milandu 31:21

Vyonsi vino wacitanga mu milimo yakutumikila mu Ng'anda ikulu yakwe Yawe nu mukuyela amasunde, wavicitilanga apakulonda Yawe Leza nu mwenzo wakwe onsi. Ali cino wakwatanga ulongo muli vyonsi kwene.

Neemiya 1:9

Lelo ndi cakuti mwaca mwawela kunondi mwalondela na masunde yane nu kuyasunga lyene antu inu, yayo aya umu uzya nanti yangikala uku mpela ya nsi, ndayakolonganika nu kuyawezezya apa ncende iyo ino nasonsile ukuti yampepelamo.’

Neemiya 9:27

Fwandi nawe ali cino wayapile mu makasa ya anisi yao, nayo ali pakuyacuzya. Na lino yacuziwa cuze yapunzile ntulwe kunoli. Nawe ali pakuyuvwa ukwako kwiyulu, nga ku luse lwako ulukulu uyapeela akuyatuula, akuyakuulula ku anisi yao.

Masamu 119:10

Nkakuvula uku mwenzo wane onsi, utaleka napuzya umwi sunde lyako.

Masamu 119:145

Nkulila kunuli nu mwenzo wane onsi, ungasuke, we Yawe. Nani namayela amalamulo yako.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 119:58

Nkukulenga uku mwenzo wane onsi, undole luse luse ndi muno walaila!

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

Yelemiya 51:50

Mwemuno mwapuswike ku lupanga lwakwe, fuminimo mutasyala mwenemo. Mwaiusya ne Yawe umu mpanga ya kutali nupya mwaiusya na Yelusalemu.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Amosi 5:4

Yawe akunena ang'anda yakwe Izlaeli ati, “Izini kunondi, nga mumaya nu umi.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 26:16

“Ilelo Yawe Leza winu wamupeela ilamulo kuti mwayela amasunde yakwe yonsi. Acino mulinzile mwasumbako amano nu kuyayela ni myenzo inu yonsi nu umi winu onsi.

Malango 30:10

Lelo icikalamba sile icikulondekwa cakuti mulinzile mwayela malamulo yakwe yonsi nu kulondela vipope vyakwe vino vyalembwa mu Lupapulo luu lwa masunde. Mulinzile ukuweluluka kunoli ni myenzo inu yonsi nu umi winu onsi.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

1 Samueli 7:3

Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”