Malango 4:28 - Amazwi Yakwe Leza 2013

²⁸ Kuku kwene akuno mulatumikila tuleza utwapangwa na antu, tuleza utwapangwa ku miti na mawe, tuno tutangalola nanti ukuvwa, tuno tutangalya nanti ukununsya.

Malango 4:28 ပူးပေါင်းရင်းမြစ်များ

2 Yamwene 17:40

Lelo antu yayo yatali akuvwa. Yene yatwalilile sile ukulondela imisango yao iyampiti.

Ezaya 26:14

Pali ndakai lyene yafwa yonsi, nupya yatalatala yayeko. Imipasi yao italatala ikatuke foo, pano awewe wayapezya nu kuyonona. Kusi nanti umwi akaiusya, awe.

Ezaya 44:11

Wiyo wensi akaupepa alazewana sile. Antu yano yakapanga utuluwi yene asilesile. Lekini yace yize ku upinguzi. Cilayaletela ulanda nu muzewanya wakwe cimwi.

Ezaya 44:12

Musyanyi, kasula wa vyela akatola icipandwa ca cela nu kucivukuta uku muwa. Ikasa lyakwe ilyamaka alino ilitola inondo nu kusula akaluwi umu musango uno akulonda kayele mwenemo. Inzala nu lusala ivisuka vimutonsya pamulandu wakuti atamwile amanzi nu kulya.

Ezaya 44:9

Yakapanga ya tuluwi yonsi kwene aciwelewele. Ivicitwa vyao vino yakasansamukila mwenemo, vitalayatumbwila cimwi. Antu yano yakapepa utuluwi tuto impafu, nupya iviwelewele. Yene yalemwa ni nsonyi.

Ezaya 45:20

Yawe wavwanga wati, “Mukongane pali pamwi muye ponga. Izini kuno mwemuno mwapuswike lino imiteekele ya mpanga zinu yononike. Ndanji kuno ukwi tengo! Imbutuma antu yano yakatandazya utuluwi twao twa vimuti, yayo akapepa tuleza ututanga yapususya.

Ezaya 46:7

Yene yakatukatusya apa viye vyao, nga yatusenda. Alino yaya yatwika pamwi nu kwikala yikala papo kwene, pano tutange twezye nu kuisezya penepo. Nanti angala wenga pano yali angapapata uli kunotuli, awe cumi tutange twasuke nupya tutange tumupususye foo.

Yelemiya 10:3

Pasi pano intambi zya mitundu yuze, izyasilesile. Yene yakakoma imiti mu mutengo, alino kawaza nawe auwaza ku makasa yakwe ni mpato.

Yelemiya 10:5

Utuluwi twa musango uu tukoline ni vintu vyakofezyako ivyunyi umu vyalo vya viimbi. Vyene visivwanga nupya ivyakusenda sile, pamulandu wakuti vitangapita. Fwandi mutavyoopa. Vyene vitange vimucitile akantu akaipe nanti kamwi, nupya vitange vimutumbwile icisuma nanti cimwi.”

Yelemiya 10:9

Tuluwi twao yatupomela siluva ukufuma ku Tasyisyi na zaabu ukufuma ku Ufazi. Vyonsi vivyo vikapangwa sile kuli yafundi na yamusyanyi. Nupya yavizwika insalu ziyenzulukile ni ziyenzu, zino zyapikulwa ningo kuli yakapikula

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 7:42

Lelo Leza nawe afwitoka ayafutatila, aleka kuti yatumikila intanda zya mwiyulu, wakwe vino icalembwa mu lupapulo lwakwe yakasema cikati, ‘Mwe ina Izlaeli! Asi kuli nene kuno mwaletanga impolelwa zya nyama zino mwakomanga mu lwanga, pa myaka makumi yani.

Malango 28:36

“Yawe alatwala mwemwe pamwi nu mwene wino mwasonta ku mpanga ya inamasi, kuko kuno mwemwe nanti ivikolwe vinu vitatazile vikale kweneko. Kuko kwene, ali kuno mulatumikila tuleza tuze utwakuwaza nu twapangwa ku mawe.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 29:17

Mweisikulu mwailolile utuluwi twao utwipisye utuwaze ku vimiti, utwa mawe, twakwe siluva, na twakwe zaabu.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.