Malango 4:26 - Amazwi Yakwe Leza 2013

²⁶ Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Malango 4:26 ပူးပေါင်းရင်းမြစ်များ

Utandiko 19:13

Pano tulonona icifulo ci. Yawe uuvwa imilandu ya ukakasi wa antu yaa, nawe watatutuma kwiza onona Sodoma.”

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Yelemiya 2:12

Si tentini apa cintu cii, mwe mayulu, zungukini wakwe cimwi, oopini wakwe cimwi. Ivyalanda Yawe

Yelemiya 22:29

Iye mwe we mpanga we! Mpanga we!” Si uwauvwa izwi lyakwe Yawe!

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Ezekelo 33:28

Ndasangula impanga iye ulwanga, umutaya akantu nanti kamwi. Ndamala ni cilumba ca maka yao. Imyamba yamu Izlaeli ilononeka, mutalaya nu wakupita mwenemo.

Ezekelo 36:4

Caleka lyene uvwini vino ne Yawe nkumunena mwe myamba na mwe twamba, namwe mwe tunguzi, namwe mwe mikonko, namwe mwe ncende izyasyala ulwanga, na mwe misumba yasyala ivitalang'anda, mwemuno antu ya mitundu ya mumbali yononyile nu kumuwela.

Aina Levi 18:28

Ndi mwacita vivyo, lyene ale impanga italamuluka wakwe vino yatiluka akulukuwa yano yali mu mpanga kwene iyo ino mukwingilamo.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Mika 6:2

Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Malango 28:20

“Ndi cakuti mwacita iciipe mwasangukila Yawe, ale lyene alamuponyezya uzanzo, ni cimvulunganya, nga ni ntazi muli vyonsi vino mulacita, mpaka lyene muce mulowe pyu.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Malango 28:45

“Ivilumbelo vyonsi vii vilamuponela, nga vilamutitikizya mpaka mukasuke mononwe, pamulandu wakuti mwakanyile kuyela Yawe Leza winu nu kulondela amalamulo ni vyeo vyonsi vino wene wamupezile.

Malango 28:61

Alamuletela ni ndwala zya misango ni misango alino ni mpungo zino zitalumbulwa mu lupapulo luu ulwa masunde yakwe Leza. Ala namwe kwene mulononwa.

Malango 29:28

Yawe wasosile cuze, alino nu ku ukali wakwe ukulu ayafumya nu mu mpanga yao, nga ayazingila mu mpanga ya inamasi mumo muno yakwikala ukufika na pilelo.’

Malango 31:28

Nkolonganikile aikolo nga ni ntunguluzi zyonsi zyamu mitundu inu, pakuti njanene amazwi yaa. Nemo naama amu mayulu na pano pansi ukuya yakambone akuyasinila.

Malango 32:1

“Iyulu ni nsi angala muvwe amazwi yane, muvwikisye vino nene nkulanda.

Malango 7:4

pamulandu wakuti yene yangalenga ana inu yafutatile Yawe nu kupepa tuleza tuze. Ndi cakuti cico cacitika, ale lyene Yawe alamusokela nu konona mwemwe lilyo kwene.

Malango 8:19

Mutakezye ukwilila Yawe Leza winu nanti ukusenukila kuli tuleza tuze ku kutupepa nu kututumikila. Ndi mwaca mwacita cico, lyene ilelo nkumusoka ukuti cumi kwene mulononwa.

Malango 8:20

Ndi mwakana kuyela Yawe Leza winu, lyene mulononwa wakwe vino alonona inko zizi zyuze lino mukuya apankolelo.

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 24:20

Ndi mwafutatila Yawe nu kutumikila tuleza tuze, nawe alamusenuka alete nu uzanzo panomuli nga amulovye, nanti angala wene wamucitilanga ivisuma.”