Malango 4:23 - Amazwi Yakwe Leza 2013

²³ Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Malango 4:23 ပူးပေါင်းရင်းမြစ်များ

2 Yamwene 17:38

Alino mutaca mukilile upangano uno twapangine namwe, nupya mutapepa tuleza tuze.

1 Milandu 16:15

Wene akaiusya upangano wakwe amanda pe, mutakilile amalamulo yakwe amanda pe.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Yelemiya 31:22

Uzye ulazingota mpaka lilaci, we mwanaci mutalami? Pano Yawe watacita icintu cipya panonsi. Aeci cakuti umwanaci wataswilila kuli iya.

Ezekelo 16:59

Nupya Yawe Simwandalali avwanga ati, “We Yelusalemu, nemo ndakulinganya sile pa vintu vino wemo ukacita, pano onona nu upangano.

Ezekelo 8:10

Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Mateo 24:4

Yesu nawe aasuka ati, “Cenjelini, mutaleka umuntu nanti wenga amuponzye.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 21:8

Yesu ayanena ati, “Cenjelini, mutaponziwa, pano antu aingi yalizila mwi zina lyane nu kuti, ‘Nene ndi Katuula uwalavilwe.’ Nga nu kuti ‘Insita yatifika!’ Lelo mutakayalondele.

Malango 16:22

Nupya mutakezye ukusimpa ulucesi lwa mawe apakwika akaluwi akakuti mwapepa, pano Yawe Leza winu wapata ivintu vii.”

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 27:9

Lyene Mose, pali pamwi na yasimapepo aina Levi, yanena aina Izlaeli yonsi yati, “Mwe ina Izlaeli mwe uvwini kuno, mutezye vino namamunena. Ilelo mwaya antu yakwe Yawe Leza winu.

Malango 29:25

“ino ukwasuka kulati, ‘Pamulandu wakuti antu yakwe Yawe yononyile upangano uno yacisile na aliwe, Leza wa vikolwe vyao, uwo uno yapangine na aliwe lino wayafumizye mu mpanga ya Eguputo.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Malango 5:2

Yawe Leza witu wapangine upangano naswe pa Mwamba wa Holebu.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

Yoswa 23:11

Acino mutekele kuti mwatemwa Yawe Leza winu.

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”