Malango 34:1 - Amazwi Yakwe Leza 2013

¹ Mose afuma ku manyika aku Moabu aya akwela Mwamba wa Nebo, alemela ukufika papela ya Mwamba wa Pisiga lwaku ufumondaka wa musumba wa Yeliko. Kuku kwene akuno Yawe amulangilila impanga yonsi kutandikila impanga ya Gileadi ukufika sile na lwaku katutu ku musumba wa Dani.

Malango 34:1 ပူးပေါင်းရင်းမြစ်များ

Utandiko 13:14

Lino Abulamu yapalukana na Loti, Yawe anena Abulamu ati, “Celecensya manso yako ukufuma pano uli, lolekesya ku katutu nu ku kaeya, ku ufumondaka nu ku uwondaka.

Utandiko 14:14

Lino Abulamu uvwa ukuti yatiyasenda Loti umwana wa mwina ku uzya, akonganika akazi ni vita vyakwe, vyonsi pamwi 318 yalondela yamwene yalya mpaka kufika ku Dani.

Ezekelo 40:2

Kwati uku tulo sile, wansenzile nu kuntwaka uku mpanga ya Izlaeli nu kuntonkomalika apapela ya mwamba uutali ku lusansa lwa kukatutu ki lunji, apali icalolekanga wa musumba ukuulwe.

Mpendwa 21:20

nga iyafuma ku Bamoti iyaya ku cifoloma camu mpanga ya ina Moabu, ino yatembelela ku kansonsi ka Mwamba wa Pisiga, papo pano nu lwanga lukaloleka ukwisika.

Mpendwa 23:14

Acino amusenda ku calo caku Zofimu pa Mwamba wa Pisiga papela. Ali kuno akuula nu tuvuwa cinimbali nga apeela impolelwa zyakoca, cipambasi wenga nga na suuku wenga pali cila kavuwa.

Mpendwa 27:12

Alino Yawe anena Mose ati, “Kwela umwamba uwamu myamba ya Abalimu pakuti ulole impanga ino namapeela aina Izlaeli.

Mpendwa 33:47

Iyasya Alimoni Dibulataimu iyaya yakuula insakwe ku myamba yaku Abalimu, pipi nu ku Nebo.

Malango 3:27

Yanga papela ya Mwamba wa Pisiga ucecete lwaku katutu nu ku kaeya, nu ku ufumondaka nu ku uwondaka. Ukacecete ningo vintu vino umaya ukalole, pamulandu wakuti utalasya nupya ulambe imbalama ya Luzi lwa Yodani.

Malango 32:49

“Yanga ku myamba iyacingana iya Abalimu iyaya mu mpanga ya ina Moabu ukulungatana nu musumba wa Yeliko, ukakwele Mwamba wa Nebo. Alino lyene ulolekesye impanga ya Kenani, ino nasya mpeele ku ina Izlaeli.

Malango 32:52

Caleka, wemo umaya ukalolekesye sile impanga ilya patali patali. Lelo utalingila mwenemo mu mpanga ino nkupeela aina Izlaeli.”

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Yoswa 19:47

Lelo amu mutundu wakwe Dani walanga yaposiwa kupoka impanga iyapilwe kunoyali. Caleka iyaya yayazanza nu kupoka umusumba wa Lesyemu, iyakomola aikazi yamwenemo nga yikalamo. Alino iikala mwenemo nu kutemela umusumba ulya izina lipya ilyakuti Dani, ilyali izina lya cikolwe cao.

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Umbwilo 21:10

Mupasi Wamuzilo antungulula, nga umungeli ansenda nu kuntwala papela ya mwamba utali cuze. Alino andanga Yelusalemu, Musumba Wamuzilo, ula ukwika kufuma kwiyulu kuli Leza. Wene wayengesanga nu lulumbi lwakwe Leza.

Yakapingula 18:29

Pali pakuutemela izina yati Dani, ilili zina lya cikolwe cao Dani, uwali umwana wakwe Izlaeli. Lelo mpiti izina lyankolelo lyauko yatangi Laisyi.