Malango 33:28 - Amazwi Yakwe Leza 2013

²⁸ Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.

Malango 33:28 ပူးပေါင်းရင်းမြစ်များ

Utandiko 27:28

Si Mwene Leza akupeele imvula ukufuma kwiyulu, nu kuvunzya vyalo vyako. Si Mwene Leza akupeele uzombozi wa mbezu ni vilimwa vya viseekwa vingi, na waini.

Utandiko 27:37

Isaki aasuka ati, “Nimucita umwene wako mpiti, nupya ni ncita aluko lwakwe yaye aomvi yakwe. Nimupeela imbezu ni viseekwa na waini. Mwanane kusi nanti cimwi cino ningakucitila!”

Utandiko 27:39

Alino Isaki amunena ati, “Wemo kusi ukama kunuli panonsi, kusi imvula kunuli ilafuma kwiyulu iya vyalo vyako.

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

Masamu 68:26

“Lumbanyani Leza mwe maumba ya antu mwe muno mwatimwiza mukongana. Lumbanyini Yawe, mwe muno mwatuntuka kuli Izlaeli!”

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Mapinda 3:20

Uku mano yakwe walenzile ukuti inguzi zyapita, nu kuti amakumbi yatonyezya imvula pano nsi.

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Yelemiya 49:31

Katukini mukalwisye umutundu utakwata isakamiko, uno wikala ku matwi cele. Uno utakwata impongolo nanti imikolongelo, wikala sile pwanku onga mpo. Ivyalanda ne Yawe.

Ezekelo 34:25

Ndapangana nazyo upangano cakuti zikasininkizyeko ukuti zilaikala umu longo. Ndafumyamo ivilyanyi mu mpanga yao, yalikala umutende mu lwanga nu kulala yalalala umu mitengo kwene, ni ntazi kutalaya.

Zakaliya 14:11

Antu yalikala kuku ku matwi cele, kutalaya nupya ica kuyofya ku kononwa nupya.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Mpendwa 23:9

Kwene nga nafindamila mu lwema ulutali nkuyalola. Nkuyalola ukufuma pa myamba papela. Yene uluko luno lwikala longa ntalwentalwe. Yene yamanyile vino yapolelelwa ukuluta inko zyuze izyasyala.

Malango 11:11

Lelo impanga ino mwatimwaingila mwenemo impanga ya myamba ni vifoloma, ino ikatapililwa ni mvula.

Malango 12:10

Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Malango 33:13

Apa mutundu wakwe Yosefu wene wavwanzile ati, “Si Yawe apolelele impanga yao aipeele imvula Nga na manzi ukufuma pansi ya musili.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.