Malango 33:27 - Amazwi Yakwe Leza 2013

²⁷ Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Malango 33:27 ပူးပေါင်းရင်းမြစ်များ

Utandiko 49:24

Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.

Masamu 102:24

We Leza utansenda pali ndakai, ntacili nkote! Wemo wewe wa pee!

Masamu 139:5

Wanzinguluka konsi uku nkolelo nu kucisila. Fwandi wancingiilila na maka yako.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 27:5

Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.

Masamu 36:7

Iye mwe, vino uluse lwako lwazipa we Leza! Ana ya antu yakauwa umu cisao ca mapa yako.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Masamu 48:3

Leza watailanga ukuti aliwe amuno antu yakwe yakazina, umukasi ki linga lya musumba wakwe.

Masamu 55:19

Leza aliwe wikala apa cilimba ca wene ukutandikila sile uku mpiti, aliwe amanguvwanga nu kuleka ncimvye. Yene yatange yalole nanti cimwi cino yangacita penepo pano yataya ni coopo kuli Leza.

Masamu 68:34

Lumbilizini amaka yakwe Leza, wiyo uwateeka aina Izlaeli, wiyo uwakwatila amaka yakwe nu mwiyulu.

Masamu 71:3

Uye Ciliwe cane umwakuzinamo, muno nkapusukila kwati indi umwi linga lya maka. Wemo awewe nkazinamo, nupya awewe ukancingilila kweneko.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Masamu 91:9

Wemo Umwene aliwe akakupususya, a Leza mukulu ali wino wemo ukazina mwenemo.

Kufuma 23:28

Ndalenga kuti aina Hivi, aina Kenani nga na ina Hiti yutuke lino mutacili mufikeko, nupya yalutuka wa antu yano yalumwa na mavu.

Kufuma 34:11

Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Mapinda 10:25

Icipuupu cikakatuka, nga na antu aipe yakaululwa, lelo yayo akacita vyaololoke yene yakaikalilila umuyayaya.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Lwimbo lwakwe Solomoni 2:6

Pasi pakutemwa pakusamila pi kasa lyako limani, lino ikasa lyako lilunji lyatilinkumbatila.

Ezaya 25:4

Pano akuli wewe ali kuno apina yakautukila, apali ponga na antu yano yatakweti kaazwa wao. Akuli wewe ali kuno yakazina umu nsita zya ntazi. Yene yakauwa kunuli imvula ya cipunga. Wewe uli cisao cino yakauwa mwenemo icipuki ca kasanya. Antu yaluzazwe yakoline wa cipunga icikutensya ulung'umba.

Ezaya 26:4

Mwataila muli Yawe insita zyonsi, pano aliwe akamutuula insita zyonsi.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yelemiya 50:21

“Pitangini muye mukalwisye impanga ya Melataimu muwililile na ina Pekodi. Muyakomole nu lupanga, muyalovye. Mucite icili consi ndi muno munenile ukucita. Ivyalanda ne Yawe.

Oseya 11:3

Nanti cali vivyo anene nasambilizye aluko lwakwe Efulemu ukupita. Nene kwene nayelezile, lelo yatamanya ukuti nene nayasunganga.

Mika 5:1

Lyene konganikini impuka zya vita, mwe ikazi yaku Yelusalemu, pano anisi yatiyatuteyamila. Yene yakupoola intunguluzi ya ina Izlaeli umunzekete ni mbuungo.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Luka 13:34

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Malango 7:2

Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Yoswa 24:18

Lino twingilanga mu mpanga ii, Yawe atuzingila aina Amoli aikalanga mukwene. Acino naswe kwene tumatumikilanga Yawe, pano wene ali Leza witu.”

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

1 Samueli 15:29

Pasipano Leza uwacindamika aina Izlaeli asitumpoka nupya asi uwa mansenunsenu. Pano wene asi umuntu, awe.”