Malango 33:19 - Amazwi Yakwe Leza 2013

¹⁹ Yene yalaama ainamasi ukwiza ku mwamba wao Nu kupeela impolelwa zya mpomvu kuku. Yene yakafumya icuma cao muli yemba Nu mu lusenga lwamu nkumba yakwe yemba.”

Malango 33:19 ပူးပေါင်းရင်းမြစ်များ

Utandiko 49:13

“Zebuluni alikala mumbali yakwe yemba. Mu nkumba ino Zebuluni alikalamo lilaya ilambwa lyakufisamo amato. Mpanga yakwe ilafika mpaka nu ku Sidoni.

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Masamu 4:5

Tuulini impolelwa isuma kuli Yawe, nu kutaila munoli.

Masamu 4:6

Aingi yakati, “Ntanzi ngaweni angatupeela ulongo We Yawe, sungala utulolekesye luseluse!”

Masamu 51:19

Ali lino lyene, ulapokelela nu luzango impolelwa zyampomvu, impolelwa zyakoca, na mawila ya vilyo kumwi na tucipambasi twa ng'ombe, utwakutuula apa kavuwa kako.

Kufuma 15:17

We, Yawe, ulingizya antu yako mukasi nu kuleka yikale pa mwamba wako, pa cifulo cino wasolola ukwikala penepo we mwisikulu, ili ng'anda yako yamuzilo, ino we Yawe waikuulila na makasa yako.

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezaya 60:16

Antu ya mitundu yuze pamwi na yamwene yao, yalakusunga ndi vino umukwasi akasunga umwana wa kuivyalila. Umucumi, ulasininkizya ukuti anene ne Yawe, nakupususya, nene ne musambazi wakwe Izlaeli nakukulula, Wamaka wilya wakwe Izlaeli.

Ezaya 60:5

Wemo pakulolekesya vivyo pasi pakumwentula, nu mwenzo wako wakulukunta nu kulunkuma ni nsansa. Pano lyene ukankala wa mitundu yuze umalungamanga kunuli. Ivyuma vyao vimalambanga yemba apa kwiza kunuli.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.