Malango 33:16 - Amazwi Yakwe Leza 2013

¹⁶ Si leka impanga yao izulemo ivintu vyonsi visuma, Ipolelelwe nu usuma wakwe Yawe, Wino uwavwanzile ukufuma mu cimpuza ica moto. Si leka upolelelo uu onsi upongolwelwe pa mutundu wakwe Yosefu, Pamulandu wakuti wene wali intunguluzi pa ina yakwe.

Malango 33:16 ပူးပေါင်းရင်းမြစ်များ

Utandiko 37:28

Lino aculuzi aina Midyani iza, aina yakwe yafumya Yosefu mu cifula umutali amanzi nga yamukazya ku ina Isumeli pa mpiya zyakwe siluva ukulingana amakumi yaili, nga nayo yamusenda ku Eguputo.

Utandiko 37:36

Insita iyo, mu Eguputo aina Midyani yalanga yakazya Yosefu kuli Potifa, wenga wamuli yacilolo yakwe Falao. Potifa wali intunguluzi yakwe yakalolela ya kwisano kwakwe Falao.

Utandiko 37:8

Lyene aina yamukanya yati, “Ele yasole! Uzye welenganya ukuti wewe ulatuteeka? Uzye wewe ungaya umwene witu?” Nga yamupata ukuluta pamulandu wa viloto ni milandile yakwe.

Utandiko 43:32

Lyene Yosefu yamupeela ivyakulya aalya wenga api tebulo, na ina yonsi pamwi api tebulo lyuze. Aina Eguputo yano ali mu ng'anda nayo ala yakulya onga, pamulandu wakuti aina Eguputo yalolanga ukuti cali icawinyi ukulila pamwi na Ayebulai.

Utandiko 49:26

Vintu visuma vino ulapokelela mu upolelelo uu vilavula cakuti vilavimba myamba ikulu. Nupya vilavimba twamba, si upolelelo onsi uye pali Yosefu, uye pa mpumi yakwe wiyo wino wapaatulwa ukufuma ku ina yakwe.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Masamu 50:12

Inzala nga yanduma, ntange munene foo, pano insi ni vyaya mwenemo, vyonsi ivyakwane.

Masamu 89:11

Iyulu ilyakwako ni mpanga iyako. Awewe wapanzile Insi yonsi kumwi na vyonsi ivyaya mwenemo.

Kufuma 2:2

Nga umwanaci wilya asenda indilwa nga aca amuvyalila umwana umonsi. Lino umwanaci walola ukuti umwana umusuma cuze, amufisa pa myezi itatu.

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Mpendwa 26:28

Ana yakwe Yosefu mu nko zyao ukupitila muli Manase na Efulemu aeya:

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Milimo 7:35

“Mose ali wino aina Izlaeli yakanyile lino yavwanzile yati, ‘Uzye aweni uwakucita kuya intunguluzi na kapingula panotuli?’ Wene ali wino Leza watumile ku kutungulula antu nu kuyakulula kufuma mu uzya nu wamwazwanga u mungeli wino uwalolike kunoli mu cimpuza icapyanga.

1 Kolinto 10:26

Pano calembwa mu malembelo cati, “Insi nga na vyonsi ivyaya mwenemo ivya Mwene.”

1 Kolinto 10:28

Lelo umwi ndi wamunena wati, “Vyakulya vii, vyapeelwa impolelwa ku tuluwi,” lyene mutalya vyakulya vivyo, pamulandu wakuntaleta intazi kuli wiyo uwatamunena nga na pamulandu wa kuntasakamika myenzo inu.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.