Malango 32:39 - Amazwi Yakwe Leza 2013

³⁹ “ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Malango 32:39 ပူးပေါင်းရင်းမြစ်များ

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

2 Yamwene 5:7

Lilyo kwene lino umwene waku Izlaeli wamala kuwelenga kalata wilya, alepola ivyakuzwala vyakwe nga avwanga ati, “Uzye umwene waku Asilya angapaalila uli ukuti nemo ningapozya umuntu wi? Uzye wene akwelenganya ukuti nene indi Leza, wino uwakwata amaka ya kupeela umi ni mfwa? Caloleka apaswe ukuti wene akasi sile kuti twalemanila.”

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 10:13

Awe fwandi lyene alino namanya ukuti ivintu vyonsi vii, wavisunzile sile umu mwenzo wako wa nkama.

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Masamu 102:27

Wemo wayela sile mumu kwene muno wayela, ni myaka yako italatala ipelele apambiliwili foo.

Masamu 102:28

Ana itu swe yaomvi yako yalasyukila apa kwikalililila ulongo, ni vizikulula vyao awewe ulavisunga pee.

Masamu 18:31

Ale lelo Leza namuze ali kwi? Suka sile Yawe wenga mpo ali ciliwe cane? Suka sile Leza witu.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Masamu 51:8

Sileka nuvwe nupya uluzango nu kusansamuka. Nu mu mafupa yane umuvungoke, ince nacina nupya ne mulanda.

Masamu 68:20

Leza witu, a Leza akatutuula. Ukufuma kuli Yawe Simwandalali ali kuno ufyusi witu ukafuma.

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 4:7

Lyene Yawe anena Mose ati, “Ingizya ikasa lyako mu mwingila wako nupya.” Caleka Mose acita vivyo kwene. Nga lino Mose wafumyamo ikasa lyakwe nupya, alola ukuti lyatilipola, liya wa mwili wakwe onsi.

Kasambilizya 3:3

kwaya insita ya kukoma ni nsita ya kupozya, kwaya insita ya komoola ni nsita ya kukuula.

Ezaya 19:22

Yawe alatuma impungo umu Eguputo, lelo wene alayapozya. Alino nayo yalaswilila kuli Yawe, nga nawe aluvwa ku mipapatile yao nu kuyapozya ace ayapozye.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Ezaya 43:10

Ala mwe ina Izlaeli mwe, mwemwe muli yakambone yane. Anene namusolwile kuti muye aomvi yane, pakuti mungamanya nu kunzumila, nu kumanya ukuti nene indi Leza nenga mpo. Inkolelo yane kutatala kwapangwa leza muze, nupya kutalatala kuye muze.

Ezaya 43:12

Anene nasokolola ivintu vii, nupya anene namutuula. Anene kwene, asi leza muze wa inamasi, uwatala wacita cii kunomuli. Nupya mwemwe yakambone yane pali cii.

Ezaya 43:13

Endi anene kwene ukufuma na mpiti, nu ku nkolelo kwene avino ndaya namwe pee. Kusi nanti wenga angamfyombotola nupya kusi wino angaalulula vino nemo nkacita.”

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 45:5

Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.

Ezaya 46:4

Nene indi Leza winu nupya namamusunganga, mpaka lino mulakota mukwate ni mvwi. Nene namuumba, nupya nkamusunga. Nene namamwazwanga nu kumutuula.

Ezaya 48:12

Yawe wavwanga wati, “Uvwini kunondi, mwe amu mupanda wakwe Yakobo, mwemuno naama. Anene Leza wilya kwene. Nene wankolelo nga nu wakusyalikizya.

Ezekelo 37:12

Fwandi, sesemela antu yane aina Izlaeli amazwi yane, yanene ukuti ne Yawe ndacenamika amalindi yao, nu kuyafumya mwenemo, nkayaswilizye mu mpanga ya Izlaeli.

Ezekelo 37:3

Alino anguzya ati, “We mwana wa muntu, uzye umu mafupa yaa mungaswililamo nupya uumi?” Nga nani naasuka inti, “Musambazi, angamanya awewe.”

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Yoane 8:24

Acino nali namunena vino mulafwila mu maifyo inu. Pano ndi mutataile vino nene ali nene kwene, mulafwila mu maifyo inu.”

Malango 32:12

Yawe wenga sile umwisikulu ali wino watungulwile antu yakwe ukwaula ukwazwiliziwa na kaleza aka inamasi.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Ayebulai 1:12

Nga ulavikonza wa nsalu, nupya ulavicinja wa cizwalo. “Lelo wemo wewe muntacinja, myaka yako italasila.”

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

1 Samueli 2:6

Yawe aliwe akaleta imfwa nupya aliwe akapeela umi. Wene akatwala antu kuzimo, nupya akweti amaka akuyazyukula.