Malango 32:17 - Amazwi Yakwe Leza 2013

¹⁷ Yene yapezile impolelwa zyao ku tuluwi, utusi tuleza mucumi, tuleza utupya tuno ivikolwe vyao vitamanyile, tuleza tuno aina Izlaeli yatatazile yayele.

Malango 32:17 ပူးပေါင်းရင်းမြစ်များ

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Aina Levi 17:7

Caleka ndakai aina Izlaeli yatalinzile ukupeela impolelwa ku tuluwi utwa cata ca mbuzi tuno yakafukamila. Ilamulo lii, lili nu kusungwa ku nkulo zinu zyonsi.

Amosi 5:25

“Uzye mwe ina Izlaeli, apa myaka amakumi yani ino mwali mu lwanga, natazile imulenga impolelwa nanti amawila?

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

Malango 13:8

Lelo mutakezye ukumuvwa. Cisi cakwezya ukumuvwila uluse. Nupya asi wakucingilila.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

1 Timoti 4:1

Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Yakapingula 5:8

Alino kwali inkondo mu mpanga ilya lino aina Izlaeli yasolwile tuleza utupya. Pa onsi amazimbi amakumi yani mu Izlaeli, uzye pali uwasenzile icisyangu nanti isumo?