Malango 32:15 - Amazwi Yakwe Leza 2013

¹⁵ “Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:15 ပူးပေါင်းရင်းမြစ်များ

2 Samueli 22:47

Yawe uwaumi! Lumbanyini wiyo akampokolola! Landini ukulu wakwe Leza wamaka wino akantuula!

1 Milandu 5:25

Lelo yene yatali acumi kuli Leza wa vikolwe vyao nga yamufutatila kuti yapepa tuleza twa antu amu mpanga ilya, yano Leza ononyile lino yene yafisile mwenemo.

2 Milandu 12:1

Lino uwene wakwe Leoboamu wakomile, umweneco kwene pamwi na antu yakwe yasuzile amasunde yakwe Yawe.

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

Neemiya 9:25

Yapokolwile imisumba ya malinga, ni mpanga ivunde, amang'anda ni nkoma zya vyuma. Yapokolwile ni vifula vino yimba calimwi, imiolivi, imiti ya viseekwa, ni vyalo vya matingi. Yene yalyanga yikuta nga lyene pasi pakwina. Yene yailyokezyanga ivintu ivisuma vyonsi vino wayapile.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Yobo 15:27

Nanti angavimba uku manso umu kuitimbwizya amafuta, nu kuumika intungu kuli tukapafu,

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 119:70

Antu amusango uo yasitezya, lelo nemo nkazangila mu masunde yako.

Masamu 17:10

Yene yatakweti nu luse foo, nu kuvwanga yakuvwangila itolo.

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Masamu 73:7

Mu myenzo yao mukazwa sile iviipe, na mano yao lyonsi yaya apamviwe nu kwelenganya amapange akucita ivitazifile.

Masamu 81:11

Lelo antu yane yakana ukunguvwa. Aina Izlaeli yakana ukunjela.

Masamu 89:26

Amangamanga ati, ‘Wewe uli Tata, nupya wewe uli Leza wane, Ciliwe icikantuula.’

Masamu 89:27

Wene ali yeli lyane, umukulu pali yamwene yonsi apano nsi.

Masamu 95:1

Izini tuzangile Yawe, katuzangile Ciliwe citu icikatupususya.

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 4:7

“Lino yasimapepo yavulilako, nu kwifya kwao kunondi ikuvulilako. Acino ndasangula ucindami wao kuti uye umuzewanya.

Milimo 28:27

Pano mano yao yakupa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, na kuzenzuka yangazenzuka, nani ningayapozya.’”

Milimo 9:5

Nawe auzya ati, “Uzye wewe weni Mwene?” Ni izwi lyuvwika liti, “Anene Yesu, wino ukuzunya.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.

Malango 33:5

Yawe wizile aya umwene wa antu yakwe aina Izlaeli lino imitundu yao kumwi ni ntunguluzi zyao zyakongine pamwi.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

1 Samueli 2:29

Nga nupya pacani cino ungatumbwila amanso nu kuzazila amawila yano nanenyile antu ukundetela? Uzye pacani cino ungacindikila ana yako aonsi ukuluta pali nene pa kuyata yiine pa kuilyokezya ukulya amawila asuma wakwe cimwi yano antu yane aina Izlaeli yapeela?