Malango 31:26 - Amazwi Yakwe Leza 2013

²⁶ “Tolini lupapulo luu lwa masunde yakwe Yawe mulwike pambali ya Mbokosi ya Upangano yakwe Yawe Leza winu, pakuti lukasyale papa kwene wa umboni wakusinila antu yakwe.

Malango 31:26 ပူးပေါင်းရင်းမြစ်များ

1 Yamwene 8:21

Alino nupya mu Ng'anda ikulu iyo, ali muno natinika ni Mbokosi ya Upangano muno muli na mawe yaili apapatale, amawe ya upangano uno Yawe yapangine ni vikolwe vitu, lino wavifumizye mu mpanga ya Eguputo.”

1 Yamwene 8:9

Mukasi ka Mbokosi ya Upangano mutali nanti cimwi ukuluta pa vipampa vya mawe viili vino Mose wisile mwenemo, ukufuma ku Mwamba wa Holebu, kuko kuno Yawe wapangine upangano na ina Izlaeli lino yafumile mu Eguputo.

Kufuma 25:16

Mu Mbokosi amuno ulika vipampa vya mawe yaili yano yalembwapo amasunde.

Galatiya 2:19

Nafwile ku masunde, pano Masunde a nkoma. Nata kwikalilila mu masunde pakuti mu umi wane onsi naombela Leza. Nemo natanwa pa lupanda pamwi na Yesu.

Malango 31:19

“Ali cino fwandi wemo lemba ulwimbo luu. Ulusambilizye ku ina Izlaeli pakuti luce luye alukambone kunoyali.

Malango 31:25

apeela ilamulo lii ku ina Levi yakasenda ya Mbokosi ya Upangano yakwe Yawe ati,

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

1 Samueli 10:25

Alino lyene Samueli alondolwela antu insambu zyakwe kateeka ni milimo yakwe. Alemba umu lupapulo nu kulwika umu ncende yamuzilo pa manso yakwe Yawe. Alino lyene asalanganya na antu kuti lyene yangaswilila kumwao.