Malango 31:17 - Amazwi Yakwe Leza 2013

¹⁷ Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Malango 31:17 ပူးပေါင်းရင်းမြစ်များ

1 Yamwene 8:57

We Yawe Leza witu sungala walukuya naswe, wakwe vino wayanga ni vikolwe vitu. Cingazipa ukuti utatutazyela nanti ukutufutatila.

2 Yamwene 22:13

“Pitangini mukanguzizye kuli Yawe, muzizye na aikazi amu Yuda yonsi apamulandu na masunde yano yali umu lupapulo luu. Icumi kwene Yawe watusokela sana apamulandu wakuti ivikolwe vitu vino vyatukolelela vitacitanga ivikalondekwa ukulingana ndi vino twazana umu lupapulo luu.”

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 21:10

Ukufika na ndakai kwene aina Edomu yakatukila utunguluzi wakwe Yuda. Lilyo kwene alino umusumba wa Libina nao wakatukile utunguluzi wakwe Yeolamu, pano Yeolamu wene wafutatile Yawe, Leza wa vikolwe vyakwe.

2 Milandu 24:20

Alino Umupasi wakwe Leza wikila pali Zakaliya, umwana wakwe simapepo Yeoyada. Wene aimilila pakasi ka antu nga ayuzya ati, “Yawe wavwanga wati, ‘Uzye pacani cino musikuyela amalamulo yane? Mutalaya nu longo awe. Pamulandu wakuti mwemo mwamfutatila ne Yawe, mutalaya nu longo awe, nga nani kwene namamufutatila!’ ”

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Yobo 13:24

Uzye icani cino wafisama kunondi nu kundola wa mwanisi wako?

Yobo 34:11

Leza akalinganya pali vino umuntu akacita. Wene akacitila cila muntu ukulinganya ni miyele yakwe.

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Masamu 27:9

Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!

Masamu 30:7

We Yawe, ala uluzango lwako lwantongamika apa mwamba ukome, ndi wamfutatila lyene nani pasi pantete.

Masamu 44:10

Lyene watuleka nu kuti twapuka anisi itu, lyene yakuzanza ni vyuma vitu.

Masamu 89:46

Uzye ukufika lilaci, we Yawe? Uzye ulamfisama mpaka umuyayaya? Uzye ukali wako umalunkuma wa moto ukufika lilaci?

Masamu 90:11

Aweni angamanya apangapelela ukali wako, nanti ukumanya apangapelela amaka yako ni cintinya cakusoka kwako?

Ezaya 2:6

Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Ezaya 63:17

Uzye lyene pacani cino watutuleka kuti twapumba umu nzila zyako? Uzye pacani cino watuleka kuti tuye aumalale, twakana nu kukoopa? Weluluka, ungala sile ulolekesye aomvi yako yano yakakutumikila, yano yaya antu yakwako sile.

Ezaya 64:7

Kutali uwakuti alaizye izina lyako, nanti wakuti aimilile, ale aemelile kunuli. Pano wemo watufisile icinso cako. Watusuula nu kutusuula apamulandu wa maifyo itu.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Yelemiya 23:33

Yawe anena Yelemiya ati, “Kasema umwi muli yayo nanti sile a simapepo ndi wakuuzya wati, ‘Uzye icisendo cakwe Yawe icani?’ Uce umwasuke uti, ‘Icisendo cakwe Yawe awewe kwene, nupya nkukusumba.’

Yelemiya 23:39

ndiza njanyenyemule wa civiya cinyome nu kuyazukuzila ukutali nakunondi, alio kwene kumwi nu musumba uno napiile ku vikolwe vyao.

Yelemiya 33:5

‘Yakalwikanya ya antu na ina Babiloni, apa kuzuzya ivyala umu musumba, ndakomola antu yayo uku cipyu cane nu ku ukali wane, yano mfutatile apa uyi wao onsi.

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Yelemiya 40:2

Alino musika mukalamba wa vita atwala Yelemiya wenga ku lusansa longa, atandika ukumunena ati, “Yawe Leza wako wapangila ukonona impanga ii,

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezekelo 39:29

Alino ntalayafisa nupya usyu wane, pano ndapongolwela Mupasi wane pa ina Izlaeli.’ ” Ivyalanda Yawe Simwandalali.

Oseya 10:4

Yamwene yayo yakalaya amaila aingi, nu kucita imilapo yaufi nu kupangana vipangano vyasilesile. Caleka ulungi wati usanguka ulufyengo lulo luno lukukula kwati ivikona iviipisye mu calo.

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.

Mika 3:4

“Ala insita iliza lino mulakuuta kuli Yawe kuti amwazwe, lelo wene atalamwasuka. Pa nsita kwene iyo wene ataluvwa inkuuta inu pamulandu wa nkota zinu.”

Mpendwa 14:42

Mutezya mulemele kweneko pano Yawe asi namwe, nupya mumacimviwa na anisi inu.

Malango 29:20

Yawe atalelela umuntu uwa musango uwo. Yawe wene alalunkuma panoli ku ukali wakwe, ni vilumbelo ivyalembwa mu lupapulo luu vilamuponela mpaka sile akamulovye nu kumufumya mu mpanga ii.

Malango 30:18

nkumunena ukuti mulalowa pyu. Mutalikala amanda avule mu mpanga ino mwasya mwingile mwenemo iyaku mbalama yuze ya luzi Yodani ku kuya ipoka kuti iye iyakwinu.

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Malango 31:18

Nani ndakana ukuyazwilizya pamulandu wa nkota zyao mu kumfutatila nu kupepa tuleza tuze.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 6:13

Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”