Malango 31:16 - Amazwi Yakwe Leza 2013

¹⁶ Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 31:16 ပူးပေါင်းရင်းမြစ်များ

Utandiko 15:15

Lelo wemo ulikala mutende kufika lino ulakota cuze, lino ulafwa nu kuzikwa pacisila cakwikala imyaka ingi.

Utandiko 25:8

Lyene Abulaamu afwa pa musinku wa kukota cuze, umukombe uwa myaka ivule. Nga yamuzika ukwaizi ivikolwe vyakwe.

Utandiko 47:29

Lino Yakobo walola insita ya mfwa yakwe yapalama atuma uwakuya ama Yosefu umwana wakwe umonsi. Nga lino Yosefu wafika kunoli, Yakobo amunena ati, “Ndi wantemwa, pisya makasa yako mu mpamba zyane alino ulape mulapo ukuti ndi naca nafwa utalanzika muno mu Eguputo.

Utandiko 47:30

Nkulonda kuti uce ukanzike kuno kwazikwa ivikolwe vyane. Ukamfumye muno mu Eguputo nu kuya nzika ku matawa ukwalala ivikolwe vyane.” Yosefu aasuka ati, “Endi, ndacita wakwe vino walanda.”

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

1 Yamwene 1:21

Ndu tacisile vivyo, ale lyene zuwazuwa lino ulafwa Solomoni umwana wane umonsi pamwi nani kwene yalatukoma kwati sweswe yacisanguka.”

1 Yamwene 18:18

Eliya nawe aasuka ati, “Nemo insi umuntu kacita wa vimvulunganya ku ina Izlaeli. Lelo wemo pamwi na ang'anda yakwe so, mwemwe mukacita vivyo. Mwemo mwafutatila amalamulo yakwe Yawe nu kulondela Tubaali.

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

2 Yamwene 18:12

Nupya umulandu wakuti yatuvwilanga Yawe Leza wao nu konona umu kucita vivyo, yene yononyile isunde lyakwe, wakwe muno Mose umuomvi wakwe Yawe wayapile ilamulo. Fwandi tungati yatamuvwile nupya yatakonsile iceo cakwe nanti conga.

2 Yamwene 20:1

Umu manda yaya umwene Hezekiya alwala indwala yakumutwala uku mfwa. Alino kasema Ezaya, umwana wakwe Amozi aya ku kumufwilizya, nga lino amunena ati, “Yawe Leza wavwanga wati cange cizipe utandike ukutantika ivintu ningo, pano indwala ii isi ningo foo, imakukoma sile.”

2 Milandu 21:11

Apatandikile nu tuvuwa twa kupepelamo utuluwi twaku mpanga ya myamba yaku Yuda. Nupya wene watungulwile na antu aku Yelusalemu kuti yatakwata icumi nu kuponzya aingi aku Yuda.

Yobo 20:11

Umwili wakwe uwali ni vimaka uku ulumendo, utalalengela ukuzikwa nga nu kuola umu musili.

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Kufuma 32:6

Caleka uwanda walondelela katondotondo yapeela impolelwa amawila yakoca nga yapeela na mawila autandano. Lyene antu iikala pansi iyatandika ukulya nu kumwa, alino nu kucina kwa uzelele.

Kufuma 34:15

Mutacita cipangano na antu amu mpanga ilya pamulandu wakuti lino yakupepa yaleza yao, yakayafyulila impolelwa, nga limwi yangamwama kuti mulye nayo cakulya ca mpolelwa zyao.

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Ezekelo 16:15

“Lelo wemo wayuvwanga apa kuyemba kwako, waleka nu lulumbi lwako lwakutwala uku ulalelale. Waipelesyanga kuli ucizelele uku mupita nzila ali wensi.

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Oseya 10:4

Yamwene yayo yakalaya amaila aingi, nu kucita imilapo yaufi nu kupangana vipangano vyasilesile. Caleka ulungi wati usanguka ulufyengo lulo luno lukukula kwati ivikona iviipisye mu calo.

Aina Levi 26:15

Ndi mwakana ukuyela amasunde na malamulo yane, nu kutama icipangano cino nacisile kunomuli,

Mpendwa 27:13

Amala sile wailola, alino umafwa, wakwe vino munyonko Aaloni wafwile,

Milimo 13:36

Pano Davidi wacisile kulonda kwakwe Leza mu manda amu mukulo wakwe, nga lino wafwile yamuzisile pamwi ni vikolwe vyakwe, nu mwili wakwe waozile.

Malango 31:18

Nani ndakana ukuyazwilizya pamulandu wa nkota zyao mu kumfutatila nu kupepa tuleza tuze.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:50

Wemo ulafwila pa mwamba kwene uwo wakwe vino umunyonko Aaloni wafwile pa Mwamba wa Holi,

Malango 34:5

Acino Mose umuomvi wakwe Yawe ali pa kufwila mumu kwene mu mpanga yaku Moabu, wakwe muno Yawe wavwanzile.

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Yakapingula 10:13

Lelo mwemo mwamfutatila nu kutumikila tuleza tuze. Acino nani ntalatala imutuule nupya.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:12

Aina Izlaeli iyatazyela Yawe, Leza wa vikolwe vyao, wino wayafumizye umu Eguputo. Iyalondela nu kupepa tuleza tuze utwa antu atenzi umu mpanga iyazingulwike. Apa kufukamila tuleza tutu yene iyalenga Yawe ukusoka.