Malango 30:8 - Amazwi Yakwe Leza 2013

⁸ Lyene ali lino mulayela Yawe nu kulondela amalamulo yakwe yonsi yano nkumupeela ilelo.

Malango 30:8 ပူးပေါင်းရင်းမြစ်များ

Mapinda 16:1

Umwenzo wa muntu ukapanga amapange, lelo upinguzi waya kuli Yawe.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Efeso 2:16

Lyene kupitila mu mfwa yakwe ya pa lupanda Klistu wononyile lupato luno twakwatilana. Nupya kupitila mu lupanda amuno watulemanya Ayuda, na Akulukuwa tuye mwili onga, nga nu kutuwezya kuli Leza.

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,

Malango 30:7

Yawe Leza winu alaponyezya intipu zii zyonsi pa anisi inu yano yamupata nupya yano yakamuzunya.

Malango 30:9

Yawe alamupeela ulongo mu milimo inu yonsi. Mulakwata ana avule ni viteekwa vivule, nga mu vyalo vinu mulaya uzombozi ukulu cuze. Yawe umwisikulu alaitemelwa kumupeela upolelelo wakwe vino wapeezile ivikolwe vinu.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.