Malango 30:10 - Amazwi Yakwe Leza 2013

¹⁰ Lelo icikalamba sile icikulondekwa cakuti mulinzile mwayela malamulo yakwe yonsi nu kulondela vipope vyakwe vino vyalembwa mu Lupapulo luu lwa masunde. Mulinzile ukuweluluka kunoli ni myenzo inu yonsi nu umi winu onsi.

Malango 30:10 ပူးပေါင်းရင်းမြစ်များ

Neemiya 1:9

Lelo ndi cakuti mwaca mwawela kunondi mwalondela na masunde yane nu kuyasunga lyene antu inu, yayo aya umu uzya nanti yangikala uku mpela ya nsi, ndayakolonganika nu kuyawezezya apa ncende iyo ino nasonsile ukuti yampepelamo.’

Ezekelo 18:21

“Umuntu umwipe ndi wata ukwifya, amalondela na masunde yane yonsi, amacita ni vyaulungi nupya ivisuma, umuntu wamusango uo atalafwa foo, lelo alaya nu umi.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Ezekelo 33:14

Lelo nemo nga cakuti na ceula umwipe ukuti amafwa, nga nawe wata ukwifya, watandika nu kucita ivya ulungi ni vyaololoke,

Ezekelo 33:19

Umuntu mwipe nawe nga watandika ukuzifya, wata ukwifya, umuntu wiyo ala alapusuka.

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

Malango 29:21

Yawe alacita umuntu wiyo ukuya icilangililo cakuti inko zyonsi izya ina Izlaeli yakalolele kweneko. Wene alamuletela ivilumbelo ukulingana ni ntipu izyaya mu upangano uwalondololwa nu kulembwa mu lupapulo lwa masunde yakwe Yawe.

Malango 30:11

“Ilamulo lino nkumupeela ilelo litatazile sana cakuti mungaposiwa ukulilondela nupya lisi kutali namwe.

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,

Malango 30:8

Lyene ali lino mulayela Yawe nu kulondela amalamulo yakwe yonsi yano nkumupeela ilelo.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.