Malango 29:5 - Amazwi Yakwe Leza 2013

⁵ Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Malango 29:5 ပူးပေါင်းရင်းမြစ်များ

Neemiya 9:21

Umu lwanga wayasakamile wakwe cimwi apa myaka amakumi yani. Yene yatulilwe nanti cimwi, nanti ukusizya yatatazile yasizye. Ingazo zyao nazyo zitatazile zivimbe nu kuwaya.

Masamu 78:24

nu kufumfumula mana uwakuti yalye, ali usu wa kwiyulu.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 7:7

Pa nsita ino yavwanzile kuli Falao, Mose wali ni myaka amakumi cinani, nga Aaloni nawe wali ni myaka amakumi cinani na itatu.

Mpendwa 14:33

Ana inu nayo yalazeuluka mu lwanga pa myaka amakumi yani, nu kucula pa kutalama kwinu suka ukufika lino umuntu wensi uwa munomuli akafwe.

Mateo 10:10

Mutasenda mufuko wa kulengelamo vimwi pa lwendo lwinu, nanti cakuzwala na cuze, nanti ndyatu nanti intuwa. Pano muomvi camulinga kupelwa vilondwa vyakwe.

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Malango 8:4

Umu myaka ii amakumi yani vyakuzwala vinu vitasila, nanti ni ngazo zinu zitatala zyavimba.

Yoswa 9:13

Ni nyambi zii zyakwe waini zyali izipya lino twazuzizyemo waini, lelo si lola vino zyatizilepoka. Silola vino ivyakuzwala vitu ni ndyatu zitu vyativinyansoka pamulandu nu utali wa lwendo.”

Yoswa 9:5

Antu yalya iyazwala indyatu izisile nga ni vinyanko. Nu mukate uno yasenzile wali uume solokoto nupya uvungoke.