Malango 29:25 - Amazwi Yakwe Leza 2013

²⁵ “ino ukwasuka kulati, ‘Pamulandu wakuti antu yakwe Yawe yononyile upangano uno yacisile na aliwe, Leza wa vikolwe vyao, uwo uno yapangine na aliwe lino wayafumizye mu mpanga ya Eguputo.

Malango 29:25 ပူးပေါင်းရင်းမြစ်များ

1 Yamwene 9:8

Na pa Ng'anda kwene ii palasyala itongwa, kwati pataizipiile. Nu muntu wensi uwafika penepo alauzya ati, ‘Uzye pacani cino Yawe wacitila icintu camusango uu ku mpanga ii nu ku Ng'anda kwene ii?’

1 Yamwene 9:9

Antu nayo yalaasuka yati, ‘Umulandu wakuti aina Izlaeli yasuzile Yawe Leza wao uwafumizye ivikolwe vyao mu mpanga ya Eguputo. Yalanga yasumba amano kuli tuleza twao utuluwi, atuno yapepanga nu kutucindikisya. Icati cilenga kuti nawe Yawe ayaletele isyamo lii.’ ”

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

2 Yamwene 17:9

Aina Izlaeli yacitanga ivintu vino Yawe Leza wao asilonda. Iyakuula utuvwa twakupepela nu kutuulila tuleza tuluwi umu misumba yao yonsi, ukutandika sile ku kamuzi akanono ukufika sile nu ku musumba ukalamba.

2 Yamwene 22:17

Nemo yansangukila nupya yakupeela ni mpolelwa ku tuluwi. Akuli kuti yene yansosya umwenzo apa vicitwa vyao iviipe. Nasokela aikazi amu Yelusalemu, nupya ntalatala mbwezye umwenzo.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Masamu 106:36

Yatumikila nu tuluwi twao, tuto utwayafutukile ituya wa nkose.

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Ezaya 65:11

Lyene cilaiyela kuli mwemuno mwafutatila Yawe, mwemuno mukakana Zioni ukwi tolo sile, umwana wane uwamuzilo, mwemuno mukapepa Gadi na Meni, tuluwi twakumuletela isyuko nanti imipamba. Ala mwemo, mulacilola.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 22:8

“Alino nupya apacisila cakwe vivyo imitundu ivule iliza ipite mu musumba uo. Wensi alanena umuze ati, ‘Uzye pacani cino Yawe wacitila umusumba uu icamusango ndi uu?’

Yelemiya 22:9

Lyene nayo yalaasuka yati, ‘Apamulandu wakutazyela upangano wakwe Yawe Leza wao, yapepa nu kutumikila tuleza tuze.’ ”

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 44:3

Apamulandu nu uyi uno yacisile, wakunsosya umwenzo lino yaile kuli tuleza utwenyi tuno yatamanyile aeneco kwene nanti ivikolwe vyao cakuti yatocela ubani nu kututumikila.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Malango 29:26

Yene yatandike ukutumikila nu kupepa tuleza tuze utuluwi tuno yatatazile yapepe. Tukwene ali tuno Yawe wayalesizye ukupepa.

Ayebulai 8:9

Utalaya wa upangano uno napanzile ni vikolwe vyao pa wanda uno nayatozile ni kasa lyane nu kuyatungulula kuyafumya mu Eguputo. Yene yatali acumi ku upangano uno nacisile nayo. Caleka ntasumvile mano kunoyali.