Malango 29:23 - Amazwi Yakwe Leza 2013

²³ Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

Malango 29:23 ပူးပေါင်းရင်းမြစ်များ

Utandiko 14:2

yaile ku kulwisya yamwene yasano. Yamwene yaa yali a Bela uwamu Sodoma, Bilasya uwamu Gomola, Sinabu uwamu Adima, Syemebali uwamu Zeboimu nu mwene uwamu Belali (nanti Zoali).

1 Yamwene 9:8

Na pa Ng'anda kwene ii palasyala itongwa, kwati pataizipiile. Nu muntu wensi uwafika penepo alauzya ati, ‘Uzye pacani cino Yawe wacitila icintu camusango uu ku mpanga ii nu ku Ng'anda kwene ii?’

1 Yamwene 9:9

Antu nayo yalaasuka yati, ‘Umulandu wakuti aina Izlaeli yasuzile Yawe Leza wao uwafumizye ivikolwe vyao mu mpanga ya Eguputo. Yalanga yasumba amano kuli tuleza twao utuluwi, atuno yapepanga nu kutucindikisya. Icati cilenga kuti nawe Yawe ayaletele isyamo lii.’ ”

2 Yamwene 22:13

“Pitangini mukanguzizye kuli Yawe, muzizye na aikazi amu Yuda yonsi apamulandu na masunde yano yali umu lupapulo luu. Icumi kwene Yawe watusokela sana apamulandu wakuti ivikolwe vitu vino vyatukolelela vitacitanga ivikalondekwa ukulingana ndi vino twazana umu lupapulo luu.”

Yobo 18:15

Lyene umuntu ali wensi angikala mwi taalu lyakwe, pacisila cakulisansa na maluti akuliswefya.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Ezaya 1:7

Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Ezaya 13:19

Babiloni uwene wacindamisya ukuluta, uno waya icilumba nu lulumbi lwa mawene, yalaulwisya kuli Leza ndi vino cali kuli Sodoma na Gomola.

Ezaya 34:9

Inguzi zyamu Edomu zilasanguka amanenekela nu musili ulasanguka amaluti. Impanga yonsi ilaapya sile wa makala ya moto.

Ezaya 64:11

Ng'anda itu yakupepelamo, iyo iyaya yamuzilo nupya yalulumbi, ino ivikolwe vitu vyakulumbanyizyanga mwenemo, nayo kwene yayoca uku moto. Incende zyonsi zino twazanganzilanga mwenemo nazyo kwene zyononeka.

Yelemiya 17:6

Wene wakolana sile ni cipupa camu lwanga, atangalola ulongo lino lukwiza. Wene alikala umu ncende iyumalale, umu ncende ya cicelecele isiikalwamo. Kusi nanti cimwi cisuma icikatala cimucitikila.

Yelemiya 20:16

Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Yelemiya 49:18

Yawe wavwanga wati, “Mutalikala umuntu nanti wenga. Mutalaya alacita icifulo munoli, ndi vino cali lino yawisizye Sodoma na Gomola, kumwi ni misumba yamu mbali.”

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Ezekelo 47:11

Lelo amanzi yamu nyika nu muvilambe yatalaya amanzi asuma. Yalasyala amanzi amusilya.

Aina Levi 26:32

Ndonona impanga inu yonsi pyu cakuti anisi inu yano yalikalamo cilayapezya amano pamulandu wa ononyi.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Luka 17:29

Uwanda uno Loti wafumile mu Sodoma, umoto na maluti vyaponyile kufuma kuli Leza kwiyulu nu kulovya onsi kwene.

Loma 9:29

Ezaya nupya wavwanzile ati, “Ndi mwene Wamaka yonsi wange alovye vizikulula vitu, twange tulowe wa misumba ya Sodoma na Gomola.”

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Yakapingula 9:45

Uwanda ulya onsi ulwi iutwalilila. Abimeleki apokolola umusumba ulya, akoma aikazi ya mwenemo, autamola nu kukanya umusilya mwenemo.