Malango 29:22 - Amazwi Yakwe Leza 2013

²² “Umu nkulo iziliza ku nkolelo amu mupanda winu na inamasi afuma ku mpanga zya kutali yalalola ivilumbelo na macuzi yano Yawe alaleta mu mpanga inu.

Malango 29:22 ပူးပေါင်းရင်းမြစ်များ

Utandiko 19:24

Yawe aponya makala ya moto wakwe pali Sodoma na Gomola.

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Yelemiya 20:16

Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Yelemiya 49:17

Edomu alononeka cakuzunguka, na yonsi yano yalapita panoli yalazunguka sile nu kukuwa umuluvi apakulola amasyamo yakwe yonsi.

Yelemiya 49:18

Yawe wavwanga wati, “Mutalikala umuntu nanti wenga. Mutalaya alacita icifulo munoli, ndi vino cali lino yawisizye Sodoma na Gomola, kumwi ni misumba yamu mbali.”

Yelemiya 50:13

Atalatala aikalwemo nupya, pamulandu ni cipyu cakwe Yawe. Alasanguka ulwanga umwaulwa akali konsi na wensi aalapita ku Babiloni, alazunguka wakwe cimwi nu kulizya miluvi pamulandu nu ulanda wakwe onsi.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.