Malango 29:19 - Amazwi Yakwe Leza 2013

¹⁹ Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

Malango 29:19 ပူးပေါင်းရင်းမြစ်များ

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

2 Yamwene 24:4

Makamaka apamulandu uwa uno wakomile antu akaele umu Yelusalemu. Apamulandu uo, awe kwene Yawe wene atalondanga nanti panono ukuyakwatila uluse.

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

Masamu 36:2

Wene akailola kwati wataluta yonsi, nu kwelenganya ukuti Leza atange amanye uyi wakwe, nu kupeela umulandu atange apelwe foo.

Masamu 49:18

Nanti sile lino wali pano nsi nu kuilola wa mupolelelwe, na antu ala yakumulumbanya apa ucindami wakwe,

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Yelemiya 18:12

Lelo yene yalaasuka yati, ‘Ala ukuicuzya sile! Tumatwalilila ukucita vino tukulonda. Cila wenga uwa munotuli amatwalilila nu kutalama kwa mwenzo wakwe.’ ”

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Yelemiya 36:29

Nupya pamulandu wakwe Yeoyakimu umwene wa ina Yuda, uvwange uti, “Yawe akuti watuoca kalata wii uti, ‘Icani cino walembela amazwi akuti umwene waku Babiloni aliza mu cumi, alonona impanga ii nu kuisya umwaula umuntu nanti inyama?’

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Ezekelo 13:16

yakasema ya ina Izlaeli yano yasesemelanga Yelusalemu nu kumulolela ivilolwa vya longo, lino kutali nu longo. Ivyalanda ne Yawe Simwandalali.’ ”

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Ezekelo 14:7

“Ndi cakuti umuntu ali wensi, mwina Izlaeli ali wensi nanti umwinamasi wino akwikala pakasi kao, wakana nene nu kwika umwenzo wakwe pa tuluwi twakwe, nga nu kwika amanso yakwe pa vintu vyuze vyakupumika kweneko, umuntu wiyo ndi wiza ku kuuzya kunondi, kupitila muli kasema, ne Yawe ndamwaasuka nemwisikulu.

Ezekelo 14:8

Kuli kuti ndapezya umuntu wiyo nu kuleka ukuti aye icakulolela kweneko kuli yauze. Ndamusukula mu antu yane nga lyene mulamanya ukuti nene indi Yawe.

Mpendwa 15:30

Lelo wino wensi uwala waluvyanya ku mufulo, ciye mukaya nanti umwenyi, wene ale wasuula Yawe. Umuntu wiyo alinzile kusukulwa mu antu yakwe.

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Malango 17:2

“Limwi munguvwa ukuti mu musumba onga pa misumba inu umonsi nanti umwanaci umwi wataifya kuli Yawe Leza winu pakonona upangano,

Malango 28:15

“Lelo ndi mwakana ukuyela Yawe Leza winu nga mutacenjile mukane kulondela amalamulo yakwe yonsi na masunde yano nkumupeela ilelo, ale lyene vintu vii vyonsi iviipe vilamuponela.

Malango 29:12

Mwimilile pano pakuti mupangane upangano uno Yawe Leza winu amapangana namwe, alino na pakuti muzumile amasunde ya upangano uwo.

Malango 29:18

Mwensi mwemuno muli pano ilelo musininkizye ukuti pataya umonsi, nanti umwanaci, nanti amu ng'anda imwi, nanti umutundu uwakufutatila Yawe Leza witu nu kupepa tuleza twa nko zizi zyuze. Cico cikoline wa musisi waulembe uno ungalemuka nu kukola antu ndi yaulya.

Malango 29:20

Yawe atalelela umuntu uwa musango uwo. Yawe wene alalunkuma panoli ku ukali wakwe, ni vilumbelo ivyalembwa mu lupapulo luu vilamuponela mpaka sile akamulovye nu kumufumya mu mpanga ii.