Malango 29:11 - Amazwi Yakwe Leza 2013

¹¹ na aci inu na ana inu, nga na inamasi akaikala pamwi namwe nu kumutiila inkwi nu kumusembela amanzi.

Malango 29:11 ပူးပေါင်းရင်းမြစ်များ

2 Yamwene 6:4

ayasukilila. Walanga yafika ku luzi lwa Yodani, iyatandika nu kukoma ivimuti.

2 Milandu 15:12

Ali pakupanga nu pangano uwakuti yamapepanga Yawe Leza wa vikolwe vyao ni myenzo yao nga nu mupasi wao onsi.

2 Milandu 23:16

Lyene Yeoyada acita upangano uwakuti aliwe na antu pamwi nu mwene kwene yamayanga antu yakwe Yawe kololo.

Neemiya 10:30

Swemo twalaya ukuti tutalatwalizya ana itu ku inamasi aikala mu mpanga ukutuzinguluka, nupya tutalazumilizya ana itu aonsi kuti yatwale ana ya inamasi.

Kufuma 12:38

Impendwa ikulu ya antu yauze, nga ni mfwele, imbuzi nga ni ng'ombe zingi yapita navyo.

Ezekelo 16:20

“Lyene watola ana yako yakaci na yakalume, yano waviile kunondi, ayano wocela impolelwa ya cakulya uku tuluwi. Uzye kwene pali ucizelele wako utakumanizye,

Mpendwa 11:4

Nga nupya kwene antu yamwi, maka maka ainamasi yano yapitanga nayo, yuvwa musu. Ali cino aina Izlaeli iyaswilizya ukuilizyanya yati, “Si cange cizipe umwi atupela inyama tulye!”

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Malango 29:10

“Api lelo mwimilile pa manso yakwe Yawe Leza winu, mwemwe mwensi. Muli pali pamwi ni ntunguluzi na yacilolo inu na onsi yonsi,

Malango 29:12

Mwimilile pano pakuti mupangane upangano uno Yawe Leza winu amapangana namwe, alino na pakuti muzumile amasunde ya upangano uwo.

Malango 5:14

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti a masaye wako, nanti a punda wako, nanti iciteekwa cako icili consi, nanti umwenyi wino akaikala mu mikalo yako, pakuti umuomvi wako umonsi nu mwanaci kwene apuze, ndi vino wemo ukapuza.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Yoswa 24:25

Acino pa wanda ulya kwene Yoswa acitila antu upangano, nga kuku kwene ku Syekemu ayapeela vipope na masunde.

Yoswa 8:35

Kutasiile izwi nanti lyonga mu masunde yano Mose wapile lino Yoswa atawelenzile pa manso yi uvi lyonsi lya ina Izlaeli, ukwika pamwi na anaci na ana, nga na inamasi aikalanga pakasi kao.