Malango 28:68 - Amazwi Yakwe Leza 2013

⁶⁸ Yawe alamuswilizya ku Eguputo pa lwendo mu vyombo, nanti angala nemo namunenyile ukuti mutalatala muswilile kweneko. Kuku kwene ali kuno mwemo mulalondesya ukuikazya mweisikulu ku anisi inu wa azya aonsi na anaci, lelo kutalaya umwi alalonda kumukala, awe.”

Malango 28:68 ပူးပေါင်းရင်းမြစ်များ

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Esita 7:4

Pasi pano nemo na antu yane, twikala uku kalili. Twakaziwa mpiti, tukalolela sile ukuloviwa. Nga cali icakuti yatusumvile sile umu uzya, ngano indi cele ukwaula kumamula akanwa. Pasi pano utazi witu utangalenga kuti we musambazi uculilemo.”

Kufuma 13:17

Lino Falao wazumilizya aina Izlaeli kuti yapite, Leza atayazumilizye kuti yapite ku museo uwapita ku nkumba yakwe yemba, uno waya ku mpanga ya Filisti nanti angala wali umuseo uwipi. Leza aelenganya kuti, “Anisi yao ndi yayazanza, antu yaa yangasenula amano nu kuswilila ku Eguputo.”

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Yelemiya 43:7

Fwandi ali vino yaya ku Eguputo, pamulandu wakuti yakanyile ukuvwa ku mazwi yakwe Yawe, yasuka yafika nu ku Tapenesi.”

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Luka 12:45

Lelo muomvi wiyo ndi alelenganya mu mwenzo wakwe ati, ‘Mwene wane walengela kwiza,’ lyene atandika kuuma aomvi yauze aonsi na anaci, aalya nu kumwa nu kukoleka,

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Malango 28:67

Imyenzo inu ilakulukunta sile ku ntete kuli consi cino mwalola. Cila katondo ndi kwaca sile, mulalonda ukuti ciye amanguzi lino ilanzi lyatemba. Na cila manguzi lino ilanzi lyatemba, mulalonda ciye akatondo.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.