Malango 28:65 - Amazwi Yakwe Leza 2013

⁶⁵ Mutalatala muzane umutende ukuli konsi, nanti kukwata uwikalo uwakwinu. Kuku kwene akuno Yawe alamulenga ukukwata intete, mulaponzya upaalilo, nupya mulatovoka.

Malango 28:65 ပူးပေါင်းရင်းမြစ်များ

Utandiko 8:9

Lelo inkunda iposiwa kuzana pa kwikala pano amanzi ala yatali yakame. Caleka iswilila kuli Nowa nga nawe atambika ikasa aingizya mu cange.

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Ezaya 57:21

Aipe yene kusi kuleka yatale yasyukile ulongo. Avino Yawe walanda.

Ezaya 65:14

Yene yalaimba inyimbo zya nsansa, lelo mwemo mulaalila sile impooma pamulandu ni myenzo ukuwaya.

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Nyimbo zya ndosya 3:65

Si leka sile imyenzo yao ikome ndi, uyatipwile nu kuyatipwila!

Nyimbo zya ndosya 5:17

Ali cino imyenzo itu yatemboka na pa manso itu pali akanda, pamulandu na minsozi,

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Mateo 24:8

Vintu vii uli utandiko wa macuzi akulu cuze.

Luka 21:26

Antu yalafwa mutombo pamulandu wa ntete lino yakulolela vintu vino vilaponela insi yonsi, pano maka amu lwelele yalatenta.

Loma 11:10

Leka manso yao yandatilwe nakanda pakuti yatalola. Leka yapita yakutunduza ni visendo vya ucuzi wa manda onsi.”

Malango 28:66

Ponsi pano mwikala palaya pa kutwisika. Musanya nu usiku mulaikala ntete ntete, insunsu mputi pamulandu wakuya ni ntete zya kufwa.