Malango 28:64 - Amazwi Yakwe Leza 2013

⁶⁴ “Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 28:64 ပူးပေါင်းရင်းမြစ်များ

Utandiko 4:14

Lola, watunsukula ku kulima umusili nga nu ku manso yako. Ntalatala nje ni teko, nupya ndazeuluka pano nsi, na wino wensi alankomanya alankoma.”

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

2 Yamwene 25:21

Kuku kwene uku Libula, umu mpanga yaku Hamati, akuno umwene wiyo apeela ilamulo kuti yayakome. Nayo ali pakuyuma nu kuyakomola. Ali vino aikazi yaku Yuda yayafumizye umu mpanga yao nu kuyasenda umu uzya.

Neemiya 1:8

Nga lelo, ungala uwiusye amazwi yano wanenyile umuomvi wako Mose uti, ‘Ndi mwe ina Izlaeli mwaca mwamfutatila, ale lyene ndamusalanganyizizya umu antu ya mitundu yuze.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Ezaya 6:12

Ndapuusya antu nu kuyazingila ukutali, ni mpanga yonsi ice iisyalile amapooli.

Yelemiya 15:14

Ndaleka kuti yaye azya ya anisi yao mu mpanga ino yatamanya, pamulandu wakuti ukali wane ukoline wa moto, nupya ulafuluma amanda pe.”

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Ezekelo 20:23

Nupya kwene mu lwanga kwene amuno naswilizye ukulapa. Lyene indapa ukuti indayasansantila mu mpanga zyonsi.

Ezekelo 36:19

Nayapile umulandu pa mikalalile yao, na pamicitile yao, alino kuyasalanganya na yasalanganyizizye umu mpanga zya antu ya mitundu yuze.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Zakaliya 2:10

Yawe wavwanga wati, “Umilini tupundu nu kusansamuka mwe ina Yelusalemu, pasi pano niza umu kwikala pakasi kinu!”

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Malango 13:8

Lelo mutakezye ukumuvwa. Cisi cakwezya ukumuvwila uluse. Nupya asi wakucingilila.

Malango 28:36

“Yawe alatwala mwemwe pamwi nu mwene wino mwasonta ku mpanga ya inamasi, kuko kuno mwemwe nanti ivikolwe vinu vitatazile vikale kweneko. Kuko kwene, ali kuno mulatumikila tuleza tuze utwakuwaza nu twapangwa ku mawe.

Malango 29:26

Yene yatandike ukutumikila nu kupepa tuleza tuze utuluwi tuno yatatazile yapepe. Tukwene ali tuno Yawe wayalesizye ukupepa.

Malango 30:1

Nupya Mose atwalilila nu kunena aina Izlaeli ati, “Nemo natimuleka kuti muisolwele mweisikulu upolelelo nanti intipu. Ivintu vyonsi vivyo lino vilamuponela pa nsita ino mulaikala pakasi ka mitundu yuze muno Yawe alamusalanganyizizya, ali lino lyene mulaiusya vino nkulanda.

Malango 32:17

Yene yapezile impolelwa zyao ku tuluwi, utusi tuleza mucumi, tuleza utupya tuno ivikolwe vyao vitamanyile, tuleza tuno aina Izlaeli yatatazile yayele.

Malango 32:26

Yonsi pyu ngani nayalovya, pakuti kutakaye nanti umwi uwa kuiusya.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?