Malango 28:50 - Amazwi Yakwe Leza 2013

⁵⁰ Antu yaya akakate nupya nanti uluse yatakwata ku muntu ali wensi, cisi cimwi aye umwance nanti uwikolo.

Malango 28:50 ပူးပေါင်းရင်းမြစ်များ

2 Milandu 36:17

Icaleka lyene Yawe wasuka wayatumila umwene waku Babiloni uku kuyazanza, wiyo uwizile akomola alumendo yonsi amu mpanga ya Yuda, nu mu Ng'anda ikulu yakwe Leza, ukwaula kusya nanti wenga, umulumendo nanti umukazyana, umukombe nanti umukoloci. Leza ayapeela yonsi kwene mu makasa yakwe.

Mapinda 7:13

Awe mukwai umwanaci wa kantu afukatila nu mulumendo, amutonsola nu kumuzyongwela amanso, nga avwanga ati,

Kasambilizya 8:1

Uzye aweni uwaya wa muntu wamano? Uzye aweni uwamanya usenulo wa vintu vii? Amano yakalenga kuti umuntu asansamuke, nupya amano yakalenga kuti inkansi zisenke apa usyu.

Ezaya 33:19

Mutalalola nupya ainamasi amitumfyo foo, yano yakalanda ululimi luno musiuvwa.

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Danieli 7:7

Lino ncili lolekesya, icinyama cakwe cini ciloleka. Cene cali icikome, cakoofya, icakuleta intete. Cali na mino yacela akulu cuze yano caomvizye pakulumola nu kulyatola vyasyala vyonsi. Cene citakoline ni vinyama vyuze vyasyala, pano cali ni mpembe ikumi.

Danieli 8:23

“Lino impela ya mawene yalya ilapalama nga na mawene yalya yipisya cakuti yalinzile kuvunukwa, alino lyene kulaya umwene umutalame, umwipe nupya umusomvi.

Oseya 13:16

Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Malango 28:51

Yaliza yamulile iviteekwa ni vyakulya vinu kwene, mpaka mukafwe ku nzala. Yene yatalamusila imbezu, nanti waini, nanti amafuta ya miolivi, nanti ing'ombe, nanti imfwele, mpaka mwemo mukafwe.