Malango 28:49 - Amazwi Yakwe Leza 2013

⁴⁹ Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Malango 28:49 ပူးပေါင်းရင်းမြစ်များ

Utandiko 11:7

Leka tuye pansi tukavulunganye ululimi lwao kuti yatauvwana.”

Masamu 81:5

Wene walipile ku amu mupanda wakwe Yosefu apa nsita ino yafumile mu mpanga ya Eguputo. Nga alino lyene nuvwa izwi ntamanyile ale likuti,

Mapinda 30:19

Inzila yakwe lyang'anda umwiyulu, inzila ya nzoka pali cilwala, inzila ya combo pali yemba, nga ni nzila yakwe cilumendo kuli cikazyana.

Ezaya 33:19

Mutalalola nupya ainamasi amitumfyo foo, yano yakalanda ululimi luno musiuvwa.

Ezaya 39:3

Alino kasema Ezaya aya uku mwene Hezekiya, atandika ukumuzya ati, “Uzye antu kwene yaa yafumile kwi, navino yakunenyile ivyani?” Hezekiya nawe aasuka ati, “Yafumile ukutali, uku mpanga yaku Babiloni.”

Ezaya 7:18

“Mu wanda ulya Yawe alakuwa umuluvi apa kwama aina Eguputo. Alino nayo yaliza wa nsazi ukufuma mu tunguzi twa patali utukaitila mu luzi lwa Nailo. Nupya alakuwa umuluvi uwakwama aina Asilya. Nayo yaliiza yakuumbe ungati inzimu ukufuma ku mpanga yao.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Yelemiya 48:40

Yawe wavwanga wati, “Silolini! Lyang'anda akuvwelukila pansi, wataanza na maapa yakwe pali Moabu.

Yelemiya 49:22

Silola! Wiyo wino akuwela nu kulelemba wakwe lyang'anda'anda. Akwanza amapa yakwe pali Bozila. Mu wanda ulya imyenzo ya vita vyamu Edomu ilaya wa mwenzo wa mwanaci ali pakulela.

Nyimbo zya ndosya 4:19

Yayo atuzinganyanga yali nu lwilo ukuluta yacipungu atiyavuka umu lwelele. Yatuzinganyanga umu myamba nu kututeyamila umu lwanga.

Ezekelo 11:9

Indamuzinga umu musumba nu kumuluula mu makasa ya inamasi, ndafikilizya vino namupingwila.

Ezekelo 17:12

“Nena uluko luu lwa antu atalame uti, ‘Uzye mutamanyile icintu cii muno cilozile? Yanene uti umwene waku Babiloni wizile ku Yelusalemu, wasenzile umwene waku Yelusalemu pamwi ni nkombe zyakwe, ayatwala nu ku musumba wakwe wa Babiloni.

Ezekelo 17:3

uleke yamanye vino ne Yawe nkuyanena inti, lyang'anda mukalamba, uwa maapa akulu na mavumbu atali. Wene wakweti na mavumbu asuma nupya amaala maala. Lyang'anda'anda wiyo waile ku mwamba wa Lebanoni, aya atimpula insongo pa ntonje ya kamuti kamwi akatalimpisye.

Ezekelo 3:6

Ndi cakuti nakutuma ku antu ya mitundu yuze ikalamba ino ikalanda indimi izitale ukuuvwa, yene yangakuvwa.

Danieli 7:4

Cakwe conga calolike wakwe cisama, lelo cakweti amaapa wakwe cipungu. Lino ncili lolekesya, amaapa yakweco yanyunsulwa. Alino cinyama cici yacikatusya apakuti cimilile wa muntu, nga yacipela nu mwenzo wa muntu.

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Mpendwa 24:24

Amato yalafuma ku nkumba zyakwe Kitimu. Yene yalacimvya Asyuli na Ebeli, Lelo nayo kwene yalononeka.”

Mateo 24:28

“Konsi kuno icala cili, akuno na makozi yakakongana.”

1 Kolinto 14:21

Calembwa mu malembelo cati, “Ndaomvya antu atamanyika nupya akalanda ndimi zitamanyika pa kulanda ku antu yane. Yene yalalanda mazwi yane kunoyali mu ndimi zitamanyika, lelo antu yane nalyo kwene yatalanguvwa. Avino Mwene walanda”