Malango 28:48 - Amazwi Yakwe Leza 2013

⁴⁸ Ali cino fwandi lyene mwailetelela, mumaombelanga anisi yano Yawe amatumanga ku kwiza muzanza. Mulauvwa inzala, nu lusala, nga mulapita tupu, nu kuulilwa muli vyonsi. Anisi inu yalamuzunya icikakate mpaka mukononwe.

Malango 28:48 ပူးပေါင်းရင်းမြစ်များ

1 Yamwene 8:33

“Antu yako aina Izlaeli ndi yayacimvya ku anisi yao, pamulandu wakuti wemo yakuluvyanya, lelo ndi cakuti yaweluluka kunuli, yatandika nu kukuwanzya, nu mu ng'anda ino yiza ingila, yamapapata pakuti uyayele uluse,

2 Milandu 12:8

Nga lelo ukuyacimvya kwene alinzile wayacimvya, apakuti yailolele ulekano uwaya apakutumikila ne Yawe na yamwene amu mpanga zya inamasi.”

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Yelemiya 17:4

Mulafumbatula iminwe ku vyaupyanyi vino namupiile. Ndamucita azya ku anisi inu umu mpanga ino mutamanyile, pamulandu wa cipyu cane cino cikoline wa moto umuntazima.”

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 5:19

Lino antu yati, ‘Uzye pacani cino Yawe Leza witu watucitila vii vyonsi?’ Namwe muce muyasuuke muti, ‘Vivi kwene vino mwemo mwantazyela nga mutandika nu kutumikila tuleza twa inamasi umu mpanga inu kwene, ali vino mulatumikila ainamasi umu mpanga ino isi yakwinu.’ ”

Nyimbo zya ndosya 1:14

“Amaifyo yitu wayamanya yonsi pyu nupya wene wayanyepa pamwi. Wene wayanyinyinzya mu nsingo yane, nga nane nanyomelwa. Ala Yawe wansumba mu makasa ya anisi yane yano ntange indwe nayo, awe.

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Nyimbo zya ndosya 4:4

Yene yakaleka ana yao yafwa ni nzala nu lusala. Utwana tukulenga vyakulya vyakuti tungalya, lelo pasi uwakutupeela nanti cimwi.

Ezekelo 17:12

“Nena uluko luu lwa antu atalame uti, ‘Uzye mutamanyile icintu cii muno cilozile? Yanene uti umwene waku Babiloni wizile ku Yelusalemu, wasenzile umwene waku Yelusalemu pamwi ni nkombe zyakwe, ayatwala nu ku musumba wakwe wa Babiloni.

Ezekelo 17:3

uleke yamanye vino ne Yawe nkuyanena inti, lyang'anda mukalamba, uwa maapa akulu na mavumbu atali. Wene wakweti na mavumbu asuma nupya amaala maala. Lyang'anda'anda wiyo waile ku mwamba wa Lebanoni, aya atimpula insongo pa ntonje ya kamuti kamwi akatalimpisye.

Ezekelo 17:7

“Lelo kwaliko lyang'anda namuze, nawe mukulu uwa maapa akulu na mavumbu nyanya. Umutingi nao wafumya imisisi yakweo mu musili, muno walemilwe nu kuilozya kuli lyang'anda, ni misambo kwene apakuti avikontelele.

Ezekelo 23:29

Yene yalakupokolola vyonsi vino waombile, alino yakakusye tupu, pano nayo kwene yakupata. Yalasya watusenekezya tupu pakuti ukazewane pa uzelele wako ku unkolanya.

Mika 2:3

Caleka Yawe wavwanga wati, “Inkwelenganya ukumuponyezya imipamba, nupya mutalutuka awe. Muliukila sile ukuti muli umu ntazi, nupya mutalatala mupite cilumba cilumba, pano ilaya insita ya viipe.

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.