Malango 28:38 - Amazwi Yakwe Leza 2013

³⁸ “Mulakomela imbezu zivule, lelo utwa uzombozi tulaya utwa ciwelewele, pamulandu wakuti makanta nawe alalya ivyakulya vinu.

Malango 28:38 ပူးပေါင်းရင်းမြစ်များ

1 Yamwene 8:37

“Ndi cakuti cipowe nanti impungo yatuponela, limwi ivyakulya vyononeka ku cilala nanti umuza wakukonkotanika amafwa, nanti vyavuvuma, nanti vyaliwa ku tuzizi nanti makanta, nanti antu yako yayazanza ku anisi yao, nanti yaponelwa nu ulwale umwi uwa musango uli onsi,

Kufuma 10:4

Ndi cakuti watwalilila kukomya umwenzo ndalenga makanta kuti aize mutondo mu mpanga yako

Ezaya 5:10

Icalo ca matingi icakwata amaekita yaili umu utali mulafuma sile mwenemo ivifenwa vya matingi ivingalingana sile na malita yani na citika. Umu matepe ikumi lyonga a mbezu mulazombola sile uzombozi wi tepe lyonga mpo.”

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yowelo 1:4

Icintu consi cino ivikwe vyasile, makanta wizile alya. Na cino makanta wasile lulele nawe wizile alya, mpaka avivyo kwene kutali ni casile.

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Yowelo 2:3

Ku nkolelo nako kuli umoto ukaonona, kunsizi nako kuli amakala ya moto akoca ivintu. Lino yene yatacili yafike, impanga yali wa muyanda wa Edeni. Lelo lino yafumilemo, yasangwike iya wa lwanga, umutasile akantu nanti kamwi.

Amosi 4:9

“Anene nalenzile kuti imbezu zinu zyonsi zyume uku ndwala nga nu kuvuvuma, mu miyanda inu nga nu muvyalo vinu vyonsi vya matingi. Makanta ononyile imisamvu kumwi ni miolivi inu kwene. Lelo mwemo mutawezile kunondi. Avino Yawe wavwanga.

Mika 6:15

Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Hagai 1:9

Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.

Malaki 2:3

“ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.

Malango 28:42

Makanta alonona imiti ni vyakulya vyamu mpanga inu vyonsi.