Malango 28:24 - Amazwi Yakwe Leza 2013

²⁴ Mucifulo cakutuma imvula, Yawe alamutumila icimuza ca lukungu ni ca mucanga mpaka mukononwe.

Malango 28:24 ပူးပေါင်းရင်းမြစ်များ

Utandiko 19:24

Yawe aponya makala ya moto wakwe pali Sodoma na Gomola.

Ezaya 5:24

Caleka fwandi icisinte cao cilalowa, nga na maluwa awalule ningo yalasendwa wa lukungu, ndi vino insawa zikapya uku cimbilimbili ca moto, ni sote ilyume likapya nu lupya. Apa mulandu wakuti yasuula iceo cakwe Yawe Wamaka yonsi, yacita imisuula ku Wamuzilo wakwe Izlaeli.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Hagai 1:10

Uli mulandu uno mwalola imvula yapisya icilala yati mpii, nu musili uma ndii.

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Malango 28:23

Imvula italatonya mpaka umusili ukasuke ukakome uye ndi wa cela.