Malango 28:11 - Amazwi Yakwe Leza 2013

¹¹ Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Malango 28:11 ပူးပေါင်းရင်းမြစ်များ

Yobo 19:17

Uwane nawe kwene akunena ukuti inkununka mu kanwa. Na inane yakunena ukuti inkununka.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.

Masamu 127:3

Endi, ana aonsi icaupyanyi ukufuma kuli Yawe, ana cili cilambu citu ukufuma kunoli.

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Aina Levi 26:9

Nkaamupolelela nu kulenga kuti muvyale ana avule cuze. Nkaasunga cipangano cane cino nacisile kunomuli.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 28:4

“Yawe alamupolelela amupeele ana avule, ni vyakulya vivule cuze, nga ni ng'ombe ni mbuzi zivule.

Malango 30:9

Yawe alamupeela ulongo mu milimo inu yonsi. Mulakwata ana avule ni viteekwa vivule, nga mu vyalo vinu mulaya uzombozi ukulu cuze. Yawe umwisikulu alaitemelwa kumupeela upolelelo wakwe vino wapeezile ivikolwe vinu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.