Malango 27:15 - Amazwi Yakwe Leza 2013

¹⁵ “ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 27:15 ပူးပေါင်းရင်းမြစ်များ

Utandiko 31:19

Insita ilya Labani walanga wapita ku kusenya imfwele mavumbu, na lino atalipo Lakeli asyala aiya tuleza tuluwi twamu ng'anda mwakwe Labani, isi.

Utandiko 31:34

Lakeli walanga watatola tuleza twamu ng'anda yakwe Labani tuno wivile atufisa pa cikalilo, pa nsizi ya ngamila aikala napo. Labani asakaula mu viya vyali mwi taalu lyakwe Lakeli, lelo atazanyilemo tuleza twakwe.

Utandiko 9:25

Asoka avwanga ati, “Citipu ciye kuli Kenani, Wene alaya muzya ku ina yakwe.

2 Yamwene 17:19

Nga lelo nanti amu mutundu wakwe Yuda, nayo kwene yatalondile ivyeo vyakwe Yawe Leza wao. Yalondelile imisango ya kukopa ku ina Izlaeli.

2 Yamwene 23:13

Yosiya aomola incende zyaku pepela mwenemo utuluwi utwayelile lwaku ufumondaka wa musumba wa Yelusalemu lwaku kaeya ka mwamba ukaamwa ukuti Mwamba wa Miolivi, muno yapepelanga utuluwi twawinyi utuli wakwe Asyitaloti, kaleza kanaci aka ku Sidoni, Kemosyi, kaleza kaku Moabu, na Moleki, kaleza ka ina Amoni.

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

2 Milandu 33:2

Umu kukonkelezya ivicitwa vya mitundu ino Yawe wazinzile umu mpanga apakuti antu yakwe yikale mwenemo, icalenzile Manase ukwifya kuli Yawe.

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 20:4

“Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Kufuma 34:17

“Mutaipangila tuluwi twakwengulula nu kutupepa.

Ezaya 44:13

Kapala wa mbao nawe akapima imbao. Alino asila ivisilwa uku cilembelo. Lyene atandika ukuwaza ni viombelo vyakwe ukulondela muno walasizile ivisilwa. Asuka awaza akaluwi akakolanya ku muntu nu kuyemba kwakwe ukwa kulingana ukwikala mu ng'anda yakwe ya mapepo.

Ezaya 44:17

Cimuti cino casyala kweneko acino apangilako kaleza kaluwi, akafukamila akataizya, nga avwanga ati, “Untuule, pano wewe uli leza wane.”

Ezaya 44:19

Yene yasiyelenganya na mano yatakweti, akumanyila ukuti yatiyoca citika umwi umu moto, apa munyeswa yatiyocelapo inyama nu kulya yatiyalya. Alino ivyasyalako yatiyawazako icintu cimwi iciipe cino yafukamila.

Yelemiya 11:3

ukuti ne Yawe Leza wa ina Izlaeli natiniika ulutipu apa muntu wensi wino asiyela amazwi aupangano uu.

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 28:6

Kale acite muno atemilwe, Yawe ace afikilizye amazwi yano nalinasema, asuke ace awezezye kuno iviya vya mu ng'anda yakwe Yawe na azya yonsi yano yaya mu Babiloni.

Ezekelo 14:4

“Caleka uyanene ukuti ne Yawe nkulanda ukuti, ‘Ndi cakuti umwina Izlaeli umwi ali wensi wika umwenzo pa tuluwi twakwe nu kwika amanso yakwe pa vintu vyuze vyakupumika kweneko, nga lyene aya ku kuuzya kuli kasema, lyene ne Yawe ne mwisikulu ndamwasuka uwasuko ulingine nu upefi wa tuluwi twakwe.

Ezekelo 7:20

Pa mpiti yayuvwanga pa viyembelo vyao vya usaka, lelo pali ndakai avino yakutola pakuipangila utuluwi twawinyi. Uli mulandu kwene uno ne Yawe Leza namalenga ukuti ivyuma vyao visenulwe viye ivya usali.

Danieli 11:31

Asilika yakwe yamwi yalakowezya Ng'anda ikulu yakwe Leza. Yalaleka antu yate kupeela impolelwa zya cila wanda nga yimike ni Cawinyi ca Ononyi.

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Aina Levi 19:4

“Mutansya nu kuseleukila ku kupepa tuluwi. Mutaipangila tuleza twavyela nu kutupepa. Nene Yawe Leza winu.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Mpendwa 5:22

Sa manzi yaa yano yakaleta vitipu yingile mu ndilwa yako nu kuleka ivimbe nga ni vyanzwalo vyako vinyaluluke ni ila lya uvyazi wako lifupame.” Lyene umwanaci wiyo alinzile kuzumila ati, “Nazumila. Si Yawe acite vivyo kwene.”

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Kolinto 14:16

Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,

Malango 27:14

Aina Levi yalalanda amazwi yaa ku antu yonsi umwi zwi likulu, yati,

Malango 29:17

Mweisikulu mwailolile utuluwi twao utwipisye utuwaze ku vimiti, utwa mawe, twakwe siluva, na twakwe zaabu.

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 5:8

“ ‘Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Yakapingula 17:3

Alino nawe awezezya nyina ulupiya lulu, nga nyina avwanga ati, “Napaatwila Yawe siluva wane pakuti ulutipu lutaponela umwana wane umonsi kuti awaze akaluwi nu kukapomela na siluva. Acino ndakai namakuwezezya impiya zii zyakwe siluva.”

Yakapingula 17:4

Acino awezezya nyina impiya zizi zyakwe siluva, nga nawe atoola impiya zyakwe siluva ukulingana imyanda iili apeela yasimusyanyi, nga nayo iyazisungulula nu kupanga ukolanya na kaluwi. Alino iyavika mu ng'anda yakwe Mika.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.