Malango 27:13 - Amazwi Yakwe Leza 2013

¹³ Nga ni mitundu ino ilimilila pa Mwamba wa Ebali lino yalatipwila antu nayo aeyi: umutundu wakwe Lubeni, na wakwe Gadi, na wakwe Asyeli, na wakwe Zebuluni, na wakwe Dani, nga na wakwe Nafutali.

Malango 27:13 ပူးပေါင်းရင်းမြစ်များ

Utandiko 29:32

Leya asenda indilwa nga avyala umwana umonsi. Avwanga ati, “Yawe watalola ucuzi wane, acino lyene uwane amantemwa. Acino atemela umwana izina ati a Lubeni.”

Utandiko 30:20

Lyene Leya avwanga ati, “Leza watampela uwila usuma, lyene uwane alantemwisya pano natimuvyalila ana aonsi mutanda.” Caleka amutemela izina ati a Zebuluni.

Malango 11:29

Lino Yawe Leza winu wamuleta mu mpanga ino mwasya mwingile mwenemo, muce mwalaizya upolelelo pa Mwamba wa Gelizimu ni ntipu nazyo pa Mwamba wa Ebali.

Malango 27:12

“Lino mwaca mwalamba Luzi lwa Yodani, imitundu ino ilimilila pa Mwamba wa Gelizimu lino yalapolelela antu aeyi: umutundu wakwe Simeoni, na wakwe Levi, na wakwe Yuda, na wakwe Isakali, na wakwe Yosefu, nga na wakwe Benjamini.

Malango 27:14

Aina Levi yalalanda amazwi yaa ku antu yonsi umwi zwi likulu, yati,

Malango 27:4

nga na lino mwalamba ku mbalama yuze yakwe Yodani, muce mukuule amawe yaa pa Mwamba wa Ebali ndi muno nkumulangilila ilelo. Muce muyapomele ningo.

Yoswa 8:33

Aina Izlaeli yonsi, ainamasi na akaya kwene, kumwi ni ntunguluzi zyao, na yamusika nga na yakapingula, yaimi ku mbali zyoili izya Mbokosi ya Upangano yakwe Yawe, ukulungatana na yasimapepo aina Levi, yao aisenzile. Citika wa antu yaimi ala iyalozya ivinso ku Mwamba wa Gelizimu nga na citika muze ala iyalozya ivinso ku Mwamba wa Ebali, kuti yafikilizye ilamulo lyakwe Mose umuomvi wakwe Yawe ilya kupolelela aina Izlaeli.