Malango 26:18 - Amazwi Yakwe Leza 2013

¹⁸ Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 26:18 ပူးပေါင်းရင်းမြစ်များ

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

Masamu 119:6

Ndi caya vivyo intange indemwe ni nsonyi, lino nkulolekesya apa vyeo vyako vyonsi.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 27:10

Acino mwayela Yawe Leza winu nu kulondela amalamulo yakwe yano nkumupeela ilelo.”

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 28:9

“Ndi cakuti mwayela Yawe Leza winu nu kucita vyonsi vino akumupeela ilamulo kuti mucite, ale lyene alamucita ukuya antu yakwe kololo, wakwe vino walaya.

Malango 29:13

Ali pakuti Yawe amucite ukuya antu yakwe umwisikulu. Nga nawe aye ali Leza winu wakwe vino wamulavile na wakwe muno walavile ivikolwe vinu, Abulaamu, Isaki, na Yakobo.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.