Malango 25:15 - Amazwi Yakwe Leza 2013

¹⁵ Mulinzile ukukwata vipimilo vya mpomvu, pakuti mukikale amanda avule mu mpanga ino Yawe Leza winu akumupeela.

Malango 25:15 ပူးပေါင်းရင်းမြစ်များ

Masamu 34:12

Uzye mwemo mukulonda ukuilyokezya pano nsi? Uzye mukulonda ukulengela pano nsi nu kusansamuka penepo?

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Ezekelo 45:10

Mwensi pyu mulinzile kuomvya ivipimilo ivili ningo, vino muli nu kupimilako.

Aina Levi 19:35

“Mutacenjezya muntu wensi pa kuomvya cipimo caufi, pa kupima utali nanti kunyoma nanti kuvula.

Amosi 8:5

Mwemo mukaivwanzya muti, “Uzye umuloleko wa Mwezi Upya ulasila lilaci pakuti tukakazye imbezu? Uzye wanda wi Sabata ulasila lilaci pakuti tukakazye ingano, nu kuti tuomvye ivipimilo vya ucenjezi, nu kukomya umutengo nu kuomvya inteko zya ucenjezi,

Efeso 6:3

“Kuti vyonsi vikuzipile nga na manda yako yavule mu nsi.”

Malango 11:9

Na pakuti muce mwikale amanda avule mu mpanga ino Yawe walavile ukupeela ivikolwe vinu na amu mupanda wao, impanga iya uzombozi ukulu cuze nupya iivunde.

Malango 17:20

Cii, cilalesya umwene wiyo ukuitutumula pa ina Izlaeli yauze. Nupya cilamulesya ukukana yela amasunde yakwe Yawe umu nzila ili yonsi. Lyene umwene wiyo pamwi nayauze amu mupanda wakwe alamulondelela icisila yalaya yamwene mu Izlaeli pa manda avule cuze.”

Malango 25:14

Mutaca mwezye ukucita usomvi pakuomvya ivipimilo viili ivipusane, conga icikulu ni cuze icinono.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:18

Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,

1 Petulo 3:10

Cili ndi vino calembwa mu malembelo cati, “Wino wensi akalonda kuilyokezya nu umi nga nu tusita twa nsansa, wene alinzile kufuma kukulanda viipe. Nupya alinzile ate kutumpoka.