Malango 24:19 - Amazwi Yakwe Leza 2013

¹⁹ “Lino mwakolonganika ivyakulya nu kuposiwa kukoozya ingano zimwi zino mwatimusinza, mutakezye kuswilila ukuya zitola. Zilinzile zisyalile ainamasi, ana asyale, na yamukamfwilwa, pakuti Yawe Leza winu akamupolelele muli vyonsi vino mulacita.

Malango 24:19 ပူးပေါင်းရင်းမြစ်များ

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Mapinda 14:21

Wiyo uwasuula umuze ala waifya, lelo umuntu wino akaelela alanda uluse wasyuka.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

Aina Levi 23:22

“‘Lino mukuzombola mu vyalo vinu, mutazombola ivyakulya vinu mpaka kufika nu mumbali ya vyalo vinu. Nupya mutaswilila ku kuzombola ivyakulya vino mwasya mu mbali ya vyalo vinu. Ivyakulya vino mwasya mu mbali ya vyalo vinu mwasila apina na inamasi. Yawe a Leza winu.’”

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Luka 6:38

Pelini, namwe mulapelwa. Mulapelwa cilingilo cisuma cisindelwe, cakuti musakatile. Pano cilingilo cino mukalingila auzo, acino namwe Leza alamulingila.”

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 15:10

Mulinzile ukuya antu ya wila kunoli ukwaula ulusoko, nga Yawe alamupolelela mu milimo inu yonsi.

Malango 24:18

Mwaiusya ukuti mwemo mwali azya mu Eguputo nga nu kuti Yawe Leza winu wamucisile ukuya antungwa. Uli mulandu uno natimupeela ilamulo lii.

Malango 26:13

ulande kuli Yawe Leza winu uti, ‘Kusi icikumi nanti conga icati cisyala mu ng'anda yane. Natimpeela consi ku ina Levi, nu ku inamasi, nu ku ana asyale, na kuli yamukamfwilwa, wakwe vino wampeezile ilamulo kuti incite. Intakanyile kuyela nanti ukwilila ilamulo nanti lyonga pa malamulo yano wampeezile pa cikumi.

Luti 2:16

Lelo mulinzile kusomola misakinta imwi iya ngano ukufuma mu tupo tuno mwatimusinza, nga musye pansi kuti aize asotolezye nupya mutaezya ku mukalipila.”

Luti 2:2

Alino Luti umwina Moabu anena Naomi ati, “Lekini nje umu vyalo inkasokote tumitwe twa ngano muno yatiyasinza, muli wiyo wensi amaya akanzumilizye.” Naomi nawe aasuka ati, “Ale pitanga, mwanane.”