Malango 24:14 - Amazwi Yakwe Leza 2013

¹⁴ “Utaezya ukutumpoka umuomvi wino walemba incito, umupina nupya wino uulilwa, cisi cimwi angaya umwina Izlaeli nanti sile umwenyi kwene wino wiza wikala mu musumba onga pa misumba inu.

Malango 24:14 ပူးပေါင်းရင်းမြစ်များ

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Mapinda 22:16

Ukucuzya umulanda, kuli kumulundilapo ukama. Nu kupeela umukama uwila kuli kumucita umulanda.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Amosi 2:7

Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Luka 10:7

Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Malango 15:7

“Ndi cakuti mu musumba onga pa misumba iya mpanga ino Yawe akumupeela mwazanwa umunyonko umwina Izlaeli uwataulilwa cimwi, lyene mutakezye ukukwata ulusoko kunoli nupya mutakezye ukukana ku mwazwilizya.

1 Timoti 5:18

Pano malembelo yakati, “Utanyepa cipambasi mulomo lino ukumuomvya kuti alyatole ingano pakupuula” nga “Muomvi nawe alinzile kupelwa malipilo yakwe.”