Malango 23:9 - Amazwi Yakwe Leza 2013

⁹ “Lino muli pa kamba ka asilika mu nsita ya nkondo, muce mwaisunga ningo ku vyamakowezya vyonsi.

Malango 23:9 ပူးပေါင်းရင်းမြစ်များ

2 Milandu 19:4

Nanti umwene Yeosafati wikalanga umu Yelusalemu, lelo wali nu mukoozya wa kupempula antu yakwe lililili, ukutandikila uku Belisyeba mpaka nu kufika uku mpanga iya myamba yakwe Efulemu, ala akuyakolopezya kuli Yawe, Leza wa vikolwe vyao.

2 Milandu 31:20

Hezekiya wacisile vyonsi vii umu mpanga yonsi ya Yuda. Wacitanga ivisuma ivilungame nupya ivyacumi apa manso yakwe Yawe Leza wakwe.

Ezaya 56:3

Umwinamasi umwi wino wiza wikala pali pamwi na antu yane atavwanga ndi vino Yawe wene atange aleke napepela pamwi na antu yakwe. Mutungwi nawe atavwanga ati, “Nemo ningaposiwa ukuya icili conga na antu yakwe Leza.”

Luka 3:14

Asilika nao kwene yamuzya yati, “Nga swemo? Uzye tumacita uli?” Nawe ayanena ati, “Mutapokolola impiya ku muntu umwi mu ucenjezi nanti kulongwela umwi vyaufi. Zangini pa malipilo inu.”

Malango 23:10

Ndi cakuti umuntu umwi waikowezya pamulandu wa kuomba ukwisika lino akulota usiku, wene alinzile kufumila ukunzi ya kamba akuno aye aikale.

Malango 23:8

Ana yao, alavyalwa ukufuma na pa mukulo wakwe citatu yene mungayapendela mu antu yakwe Yawe.

Yoswa 6:18

Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.