Malango 23:20 - Amazwi Yakwe Leza 2013

²⁰ Umwinamasi wene mungamulifya kalowa, lelo umwina Izlaeli muzo wene foo. Muce mwayela isunde lii, nga lyene Yawe Leza winu alamupolelela muli vyonsi vino mulacita mu mpanga ino mwasya mupoke nu kwikala mwenemo.

Malango 23:20 ပူးပေါင်းရင်းမြစ်များ

Neemiya 5:7

Nga nelenganya ukucitapo cimwi, inkalipila asambazi yaya ni ntunguluzi inti, “Mwe! Uzye icisendo ca mwata ci cino mukutwika auzo?” Ali vino naamile nu ukongano ukalamba kuti njapele umulandu.

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Kufuma 22:24

Nupya ndasoka nu kulenga kuti anisi inu yamukome mu nkondo. Aci inu yalaya yamukamfwilwa, na ana inu yalaya ana asyale.

Kufuma 22:25

“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ezaya 24:2

Kuli wensi cili nu kuya icili conga. Kuli yasimapepo nu ku antu, ku asambazi nu ku azya kwene. Uku akote nu ku ance kwene. Kuli yakakala na kuli yakakazya kwene. Kuli yakakongwesya na kuli yakakongola kwene. Kuli yakaazima na kuli yakaazimisya kwene. Uku apina nu ku akama kwene.

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Aina Levi 25:36

Utalipilisya mwina Izlaeli muzo pa mpiya zino wamukongwesizye. Lelo waoopa Leza wako nu kuleka aina Izlaeli yauzo yaikala nawe.

Luka 14:14

Lyene ulapolelelwa, pano yasi na maka akuti yakakuwezezye. Leza alakuwezezya pa wanda uno alalenga antu aololoke yazyukuke kufuma ku afwe.”

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.

Malango 15:10

Mulinzile ukuya antu ya wila kunoli ukwaula ulusoko, nga Yawe alamupolelela mu milimo inu yonsi.

Malango 15:3

Ungalifya umwinamasi inkongole ino wakukwatila, lelo utakezye ukulifya umunyonko cino wakukongola.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.