Malango 21:23 - Amazwi Yakwe Leza 2013

²³ ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Malango 21:23 ပူးပေါင်းရင်းမြစ်များ

2 Samueli 21:10

Lyene Lizipa umuci namuze wakwe Saulo, nupya umwana umwanaci wakwe Aiya, aomvya amasaka pakuipangila umwakuuwa pa mawe apali ivyala vivya, nga aikala kweneko ukufuma sile pakutandika kwa uzombozi mpaka na lino icisiku catandika. Umu nsita zya musanya ala akuzila ivyunyi pa vyala vivi, nga usiku nalyo avicingilila ku nyama zya mpanga.

2 Samueli 21:6

Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

2 Yamwene 10:8

Lino inkombe yafika, inena Yeu iti, “Yatiyaleta imitwe ilya iya amu mupanda wa mwene Aabu.” Alino Yeu ayapeela ilamulo ati, “Kaitulikini mu mitumba iili pa wingililo wa mpongolo ya musumba, muleke ilale papo kwene mpaka ukufika mutondo katondo.”

Ezekelo 39:12

Apa myezi cinimbali, ing'anda yakwe Izlaeli ilayazika, apa kusangulula impanga.

Aina Levi 18:25

Micitile yao yalenzile kuti mpanga iye iyamifitalila. Caleka Yawe watavunuka impanga pakuti azinge antu yano yakaikalamo wakwe vino umuntu akaluka cilyo iciipe.

Mpendwa 25:4

Alino Yawe anena Mose ati, “Tola intunguluzi zyonsi izya ina Izlaeli uzikome pa lwalala pa manso yane pakuti intakatale insokele aina Izlaeli nupya.”

Yoane 19:31

Wali uwanda wakuteyanya Sabata. Na Sabata walondelile wali uwamuzilo kuluta. Na Ayuda yatalondanga antu kusyala pa lupanda pa wanda wi Sabata. Acino yuzya Pilato kuti yavune maulu yakwe yao atanyilwe, nga yaisye.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Malango 25:19

Acino lino Yawe Leza winu alamupeela impanga iye iyakwinu nu kumucingilila ku anisi inu yano yamuzinguluka, muce musininkizye ukuti mwakomola aina Amaleke yonsi pyu, pakuti kutakaye nanti umwi uwakwiusya antu yayo nupya. Mutakezye ukwilila cii!

Malango 4:21

Yawe wansokela nene pamulandu wakwe mwemwe, nga alapapo nu mulapo ukuti nemo ntalalamba Luzi lwa Yodani nu kwingila mu mpanga ivunde ino wene akupeela kunomuli.

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Yoswa 7:12

Icaleka aina Izlaeli yatiyayacimvya ku anisi yao. Yene yatiyasimula kantapepela, pamulandu wakuti aisikulu yatiyailetelela ukononeka. Acino nani namatala imufutuke, na pakuti nupya imupalamile, suka mwatala monona vino namulesizye ukutola.

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.