Malango 21:18 - Amazwi Yakwe Leza 2013

¹⁸ “Nga ndi cali umuntu umwi akweti umwana umonsi wino wakoma umwenzo nupya acisanguka, umwana wino atanga ayele akwasi yakwe, nanti angala yakamusunda.

Malango 21:18 ပူးပေါင်းရင်းမြစ်များ

2 Samueli 7:14

Nani ndaya isi, nawe alaya umwanane. Ndamunyamba wakwe vino isi wa muntu akakalipila umwana.

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Kufuma 21:15

“Wino wensi uuma isi nanti nyina alinzile ukukomwa.

Kufuma 21:17

“Wino wensi uwatuka isi nanti nyina alinzile ukukomwa.

Mapinda 1:8

Mwanane, ala uwasumba amano kuli vino yaso yakukulangizya na vino yanyoko yakukusambilizya.

Mapinda 13:24

Wensi asifulula umwanakwe ala wamupata, lelo uwatemwa umwanakwe asilengela kumusunda.

Mapinda 15:5

Iciwelewele cikasuula ukusunda kwakwe isi, lelo wiyo akafukila ukukalipilwa ali wino wacenjela.

Mapinda 19:18

Kalipila umwanako lino acili umwance na mano yakwaluka. Ndi cakuti utacisile vivyo, ale lyene umaleka ayonone umweneco.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

Mapinda 22:15

Ivicitwa vya uwelewele vyazula tupu umu mwana. Ali cino fwandi umukota ungazinga uwelewele wakwe ukutali.

Mapinda 28:24

Umuntu akaiya ivyakwe isi nanti nyina, avwanga ukuti asi iifyo, wiyo kwene ali muze wa cipondo.

Mapinda 29:17

Sunda umwanako nga nawe alakuletela umutende umu mwenzo, nu kukusansamusya umu mwenzo.

Mapinda 30:11

“Kwaya insiki imwi ino ikatipwila isi nu kukana polelela nyina.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 5:23

Lelo antu yaa yatalama imyenzo nupya iyumalale. Yene yamfutatila nu kunsya.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Aina Levi 21:9

Mwana umwanaci wakwe simapepo ndi cakuti waya a cizelele ala wazewanya isi. Wene alinzile ukocewa mu moto mpaka afwe.

Malango 21:19

Akwasi yakwe yalinzile kumutwala ku ntunguluzi zyamu musumba muno akaikala nu kuleka apingulwe.

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 8:5

Mwaiusya ukuti Yawe Leza winu akasunda nu kuvunuka mwemwe wakwe vino akwasi yakasunda ana yao.

1 Samueli 3:13

Pasi pano namunena mpiti ukuvunuka kuno ndavunuka ang'anda yakwe ukwa manda pe pamulandu wa uyi uno wene wamanyile ukuti ukucitika. Ana yakwe aonsi iyampontela yatancindike awe, nga nawe wataposiwa ukuyalesya.