Malango 20:20 - Amazwi Yakwe Leza 2013

²⁰ Lelo imiti yuze iyasyala, ino isyaseeka viseekwa, yene mungaikomola nu kuiomvya ku mulimo wa kukuula insakwe navyuze pa nsita ino mucili mukulwisya ukupoka umusumba uwo.”

Malango 20:20 ပူးပေါင်းရင်းမြစ်များ

2 Yamwene 3:19

Mwemo muli nu kucimvya imisumba yonsi iyakwao iya malinga akome. Mulakomola ni miti yao yonsi iya viseekwa. Mulaziika utufukoka twao twa manzi tonsi apa konona ivyalo vyao ivivunde, vino mulasumba mwenemo insakalawe na mawe.”

2 Milandu 26:15

Mu Yelusalemu namo wapanzile yamasyini, yano yafundi yetetwile, akuomvya apa kufiika inceto nu kuvwinta amawe akulu ukufuma apa mpungu nga na pa matungi akusolelapo. Nu lulumbi lwakwe ilusalanganila konsi konsi, pasi pano Leza wamwazwilizyanga sana mpaka akoma wakwe cimwi.

Kasambilizya 9:14

Kwali umusumba unono muno mwali antu akupenda. Lyene kateeka wamaka aiza ku kuzanza umusumba uo. Ivita vyakwe vizinguluka umusumba uo nu kuiteyanya kuti vyomolole ilinga nu kwingila mwenemo.

Ezaya 37:33

Fwandi, ali mulandu kwene uno Yawe akuvwangila pa mwene mukalamba wa ina Asilya ati, ‘Senakalibu asikwingila mwenemo mu musumba uu, nanti sile ukufiika mwenemo uluceto. Pasikutala paloleke musika nanti wenga, wino amapalamila ku musumba nanti sile ukutuulumalika umutumba wivu pa kuuzinguluka.

Yelemiya 33:4

Apa mulandu wa mang'anda ya muno musumba, na mang'anda ya mwene uwamu Yuda, yano yomololwa apa kuicingilila kweneko umu kutulumanya umusili ukwilinga, na kuli yano yakamukatusizya inkondo, Yawe Leza wa ina Izlaeli wavwanga wati,

Yelemiya 6:6

Vii ivyalanda Yawe Wamaka yonsi ati, “Temini imiti yakwe, mutuntumalike nu musili uku malinga yakwe Yelusalemu. Umusumba uu ulinzile kuvunukwa, pano mwazulamo sile ufi na kanyati katuputupu.

Ezekelo 17:17

Nanti angala Falao angakwata uli ivita vya maka, awe nce nawe kwene angaposiwa ukutuula kweneko umwene waku Yuda umu nkondo. Nanti angala Ayuda yangatuntumalika iviimbili nu kwimba yamunyama cakuti pafwile na antu avule, nalyo kwene pasi icilaomba.

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Malango 20:19

“Lino mukulwisya ukupoka umusumba umwi mutaca mwezye ukukomola imiti ya viseekwa, nanti angala amanda yangavula uli yano mukwezya ukwingila mwenemo. Mungalya sile iviseekwa, lelo ukukomola imiti kwene foo. Pano imiti asi ali anisi inu.

Malango 21:1

“Nga ndi cali yazana umuntu umwi iyamukoma mu calo mu mpanga ino Yawe akupeela kunomuli, nga nu watamukoma mutamumanyile.