Malango 2:36 - Amazwi Yakwe Leza 2013

³⁶ Yawe Leza witu uwalesile kuti tungapokolola imisumba yonsi, ukutandikila ku Aloeli, mu mbali mbali ya Cifoloma ca Alinoni, ukufika nu ku musumba uwaya pakasi ka cifoloma cici, nzila yonsi ukufika nu ku Gileadi. Kusi umusumba uwakweti ilinga lino lingatuposya kukwela.

Malango 2:36 ပူးပေါင်းရင်းမြစ်များ

2 Samueli 24:5

Iyalamba Yodani nu kukuula insakwe ku kaeya ka Aloeli, umusumba uwaya pakasi ka cifoloma, umu mpanga yakwe Gadi. Lino yafuma kuku iyaya lwaku katutu ku Yazeli,

2 Yamwene 10:33

Watandikile lwaku ufumondaka wakwe Yodani mu mpanga yonsi ya Gileadi, mpaka nu ku kaeya ku musumba wa Aloeli mu mbali ya Luzi lwa Alinoni. Impanga kwene ii ukwika penepo ni mpanga ya Gileadi na Basyani, umwikalanga amu mupanda wakwe Gadi, na wakwe Lubeni, na wakwe Manase.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Ezaya 17:2

Imisumba yaku Aloeli mutalatala mwikale umuntu nupya. Lelo ilaya sile impanga ya kucemelamo, muno imfwele ni ng'ombe zilaaliila, nupya kutalaya nanti wenga alazizinga.

Yelemiya 48:19

Mwe ina Aloeli imililini pa museo, mwacevya. Uzyini imbutusi na yano yasyala impondo muti, ‘Kuli ci mukwai?’

Mpendwa 32:34

Aina Gadi iyakuululula imisumba izingulusye amalinga iya Diboni, Ataloti, Aloeli,

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Malango 3:12

“Lino twaposile impanga pa nsita ilya, natoozile impanga nu kuipeela ku amu mutundu wakwe Lubeni nu ku amu mutundu wakwe Gadi, ukutandikila lwaku katutu ka musumba wa Aloeli pipi nu Luzi lwa Alinoni. Injaputwila ni cipande cimwi ica mpanga ya myamba yaku Gileadi, kumwi ni misumba iyaya kweneko.

Malango 4:48

Impanga kwene ii yatandikile pa musumba wa Aloeli, uno waya pa cituntu ca Luzi lwa Alinoni, ukufika nu ku Mwamba wa Siyoni (kuli kuti Mwamba wa Helimoni),

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 12:2

Siooni umwene wa ina Amoli wino wikalanga ku Hesyiboni. Wene wateekanga ukufuma ku Aloeli mu mbali ya Luzi lwa Alinoni ukwikapo nu mukonko onsi ukufika nu ku Luzi lwa Yaboki, ululi umupaka wa ina Amoni, ukulundapo na citika wa mpanga ya Gileadi.

Yoswa 13:16

Yapilwe impanga ukutandikila ku Aloeli pa mbali ya Cifoloma ca Alinoni, kumwi nu musumba uwaya mu cifoloma, ni mpanga yonsi itumpuke nupya itambalale ukufika nu ku Medeba.

Yoswa 13:9

Impanga iyo yatandikila ukufuma ku Aloeli lwa mu mbali ya Cifoloma ca Alinoni, kumwi nu musumba uwaya mu cifoloma ni mpanga yonsi itumpuke nupya itambalale, ukutandikila ku Medeba ukufika ku Diboni.

Yoswa 21:44

Yawe wapeezile aina Izlaeli ulongo monsi mu mpanga yao, wakwe vino walavile nu mulapo ku vikolwe vyao. Kutali nanti awenga mu anisi yao ayazingulwike uwali na maka akuyacimvya. Yawe wayapile ucimvyo pa anisi yao.

Yakapingula 11:22

Iyapoka impanga yonsi iya ina Amoli ukutandikila sile ku Luzi lwa Alinoni ukufika nu ku Luzi lwa Yaboki nga nupya ukutandikila ku lwanga ukufika nu ku Luzi lwa Yodani.

Yakapingula 11:26

Pa myaka imyanda amakumi yatatu aina Izlaeli yatenzi mu Hesyiboni, nu mu Aloeli ni mizi yakweo, nga nu mu misumba yonsi pipi nu ku Alinoni. Uzye lyene pacani cino mutaposile incende zizi lilya kwene?