Malango 19:17 - Amazwi Yakwe Leza 2013

¹⁷ antu yayo yoili kwene yali nu kuya imilila mumu kwene pa manso yakwe Yawe, na yasimapepo na yakapingula ya milandu yano yalazanwamo pa manda yayo kwene.

Malango 19:17 ပူးပေါင်းရင်းမြစ်များ

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Kufuma 22:8

Lelo ndi umwivi atalemilwe, lyene wino wasunganga impiya ni vintu vyamutengo ukulu, yalinzile kumutwala kuli yakapingula nga yakapingula yalalola ndi cakuti wiile mwinipamba vintu vivyo nanti foo.

Ezekelo 44:24

Ndi vikanza vyakatuka yace yaputula imilandu, yace yapingula kulingana nu upinguzi wane. Yace yawaka amasunde yane ni vipope vyane pa manda yane yonsi auzevyo, yace yacindika na Masabata yane yonsi amuzilo.

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Malango 17:9

Muce mwatuula umulandu kuli yasimapepo aina Levi na yakapingula alaya pa luti pa nsita ilya kwene iya mulandu, nga nayo yalapingula umulandu.

Malango 21:5

Yasimapepo aina Levi, nayo kwene yalinzile ukuya kweneko, pamulandu wakuti yalinzile kupingula mulandu onsi ukumile kukalala. Yawe Leza winu wayasolola kuti yamutumikila nu kulanda upolelelo pa antu umwi zina lyakwe.

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.